SIK Notifika “Susar”

DILI, STLNEWS.co – Polisia Nasional Timor-Leste (PNTL), liu husi Servisu Investigasaun Kriminal (SIK) notifika Amaro da Costa Alias “Susar”, tanba la obedese ba regra konfinamentu obrigatoriu neebe governu hasai, durante fo nia solidaridade ba lider nasional Kay Rala Xanana Gusmão iha Ministeriu Publiku (MP) foin lais nee.

Kazu dezobediensia nee, PNSIK notifika ho Numeru Kriminal (NUK), 21.26 PNSIK. Liafuan nee haktuir husi portavoz Komandu Jeral PNTL, Superintendente Polisia, Arnaldo de Araujo ba jornalista sira liu husi konferensia imprensa iha nia knaar fatin Caicoli, Dili, Kinta (01/04/2021).

Nia dehan, iha regras estadu emerjensia, ema hotu obrigatoriamente tenke kumpre dekretu governu numeru 36/2020 – 02 Marsu 2021, junta ho rezolusaun governu numeru 15/2021, iha loron 15 Marsu tinan nee.

Nia hatutan, maibe iha suspeitu balu neebe PNTL suspeita sai hanesan autor ba mobilizador massa no halibur ema hodi viola legalidade neebe previstu iha paragrafu previu perante lider Kay Rala Xanana Gusmão nia prezensa iha Ministeriu Publiku (MP).

“Tanba nee ohin loron Kinta feira, 01 Abril 2021, tuku 09:00, PNTL liu husi SIK, notifika ona suspeitu nain rua ho inisial A no AD hodi halo identifikasaun dentru 12 oras de tempu tuir legalidade juridiku neebe preve iha dekretu lei numeru 19/2019, kodigu ba prosesu penal KPP, artigu 53 no junta ho dekretu lei numeru 13/2005, kodigu penal ba aktus dezobediensia neebe previstu iha artigu 244”, dehan nia.

Hafoin presta deklarasaun ba jornalista sira, Lider Klibur Tane Aas Obra Maun Xanana (KTAOMX), Amaro da Costa “Susar” dehan, nia prezensa iha Komandu jeral PNTL, laos tanba komete kazu ruma, maibe fo deit nia deklarasaun bazeia ba notifikasaun neebe fo husi SIK.

“Lae, hanesan mai notifikasaun ba horseik, ba atu kumpri deklarasaun deit. Nuudar sidadaun, ita tenke kumpre investigasaun kriminal sira bolu, ita tenke ser mai foti deklarasaun, agora ita tenke foti”, hateten Susar.

Susar dehan, hanesan sidadaun ida, tenke kumpri lei ho ordem neebe tau iha ema ida-idak nia kabas.

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: