Simu Mensajen Tolok, Maun Lori Maubeka Taa Alin

DILI, STLNEWS.co Tribunal Distrital Dili (TDD) iha loron Kuarta nee (13/10/2021) halao primeiru julgamentu ba arguidu ho inisial BBD hanesan maun, neebe lori maubeka taa nia alin ho inisial LBD.

Tuir faktus katak, arguidu no lezadu maun alin rasik, inan ida no aman ida.

Iha loron 25 fulan Dezembru tinan 2019, maizoumenus tuku 14:00 loraik, iha dezentendimentu entre arguidu no lezadu, tanba iha momentu neeba arguidu no nia feen ba vizita nia inan aman iha loron boot natal, maibe lezadu ho nia alin Bonifasio sadik no la liga arguidu.

Iha tempu neeba mosu ona problema entre arguidu no lezadu, maibe rezolve tiha ona.

Arguidu ho nia feen fila tiha ba uma, simu fali mensajen husi lezadu sadik arguidu.

Haree mensajen nee, arguidu foti nia maubeka ida hodi ba iha lezadu nia uma. To’o iha lezadu nia uma, sira sei han hela, arguidu taa kedas lezadu ho katana.

Iha tempu neeba lezadu kaer tiha arguidu nia katana atu hadau, maibe arguidu rasta katana hodi koa lezadu nia liman kanek hotu, no arguidu kontinua taa lezadu nia kabas, hasan no hirus matan.

Arguidu foin para nia asaun nee, bainhira lezadu nia aman kaer fatuk hodi ameasa lezadu.

Konsekuensia husi arguidu nia hahalok nee, halo lezadu sente kanek iha isin.

Tanba nee, Ministeriu Publiku akuza arguidu ba iha krime Omisídiu ho forma tentativa tuir artigu 138 husi Kodigu Penal no lei arma proebidu husi lei numeru 5/2017.

Hatan ba faktus nee arguidu deklara katak, iha balun loos no balu laloos.

Arguidu deklara, momentu neeba arguidu ho nia feen ba nia inan aman sira, tanba loron boot. To’o iha neeba arguidu nia alin la liga arguidu.

Audensia julgamentu nee, prezide husi Juiz Kolektivu Afonso Carmona, Albertina Neves, Ersilia de Jesus, MP reprezenta husi Prokurador Jasinto Babo, arguidu hetan asistensia legal husi Defensor Publiku.*

Reportajen: Terezinha De Deus

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...