Sistema Atendimentu Call Center Telemor Paradu

Sistema servisu kompania Telekomunikasaun Telemor hahu ohin tukun 15:00 lao paradu uituan, hafoin parte Servisu Investigasaun Kriminal (SIK) ezekuta mandadu buska no dentensaun ba CEO ka Diretor Jeral Kompania Telekomunikasaun Telemor ho inisial (TVB) iha edifisiu Telemor, Timor Plaza CBD-4. (Foto: STL/Donaciano Magalhâes)

DILI, STLNEWS.co – Sistema servisu kompania Telekomunikasaun Telemor hahu ohin tukun 15:00 lao paradu uituan, hafoin parte Servisu Investigasaun Kriminal (SIK) ezekuta mandadu buska no dentensaun ba CEO ka Diretor Jeral Kompania Telekomunikasaun Telemor ho inisial (TVB) iha edifisiu Telemor, Timor Plaza CBD-4.

Tuir observasaun STL nota, bainhira SIK ezekuta mandadu Tribunal Distrital Dili (TDD) hodi halo detensaun ba suspeitu TVB iha nia servisu fatin, polisia aviza ona ba funsionáriu Telemor hahu hotu hahu servisu sekretaria no administrasaun, too ekipa sistema Call Center too ekipa Data Center Telemor iha Timor Plaza andar CBD 2, tenke hamamuk sira nia servisu fatin hodi ekipa SIK no ekipa IT halo investigasaun sistema servisu internet Telemor nian.

Situasaun nee halo funsionariu Telemor tomak kuaze nain 20-resin, sente trauma no hafodak, bainhira polisia halo pasarevista no halo aprensaun ba dokumentu importante balun neebe suspeitu TVB utiliza.

Iha observasaun mos nota katak, funsionariu sira neebe halo atendimentu ba sistema Call Center kuaze oras resin la halo servisu. Nunee mos ekipa sira neebe servisu iha sistema data center nian, SIK blokeiu total sira nia atividade hodi fo tempu ba ekipa sira rekolla evidensia.

Durante SIK halo detensaun ba suspeitu TVB mos koopera diak hodi fo sai dadus balun neebe SIK rekolla relasiona ho servisu neebe suspeitu nee halo durante nee.

Entretantu traballador Telemor balun husi Thailandia relata kedas situasuan neebe CEO Telemor TVB hasoru ba CEO Kompania Telemor Internasional iha Thailandia.*

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here