Soke Mate Subrina, Filomeno Hatan Iha Tribunal

DILI – Arguidu Filomeno Baros tenke hatan iha tribunal distrital Dili (TDD), 13/02/2017 tamba soke mate ninia subrina rasik matebian Atisia hodi mate iha fatin kedas.

Tuir akuzasaun husi Ministeriu Publiku neebe mak tribunal lee sai katak iha loron 10/02/2017 horas 12.45 otl meudia, iha Ermera, Gleno. Arguidu Filomeno Baros hamutuk ho kondutor Evaresto adia hela kareta vaskolante no solda sasan balun iha kareta refere iha varanda. Kuandu arguidu ho kondutor adia hela kareta vitima Atisia (matebian) mos arguida nia subrina rasik neebe mak halai ba mai iha fatin adia kareta nian dala rua iha varanda.

Tamba vitima kontinua halimar iha varanda oin mak Evaresto lori vitima Atisia ba iha uma laran dalarua. Iha tempu neeba hanesan, arguidu no Evaresto adia hotu tiha kareta refere no hatama sasan kareta iha uma laran no momentu nee kedas arguidu mos hamoris kareta hodi halai. Maibe, iha momentu neeba arguidu mos la hatene katak vitima Atisia mos iha hela neeba.

Tamba nee, arguidu kuandu muda kareta derepente deit buat ida lian iha kotuk no Evaresto rasik mak bolu no hakilar mak arguidu hakfodak maibe vitima Atisia iha tiha ona roda okos kareta kotuk nian. Tamba nee, arguidu tun husi kareta hare vitima Atisia iha hela roda okos hodi rejultas rai sai husi ibun no oin. No hare kondisaun vitima iss la tiha ona no lori tama ba uma laran deit no konsege ba duni ba ospital maibe labele salva.

Hatan ba akuzasaun nee, arguidu mos la nega faktus hirak nee no los hotu. Tamba, momentu neeba sira mak adia duni kareta no la iha intensaun atu soke mate ninia subrina tamba arguidu Filomeno Baros nuudar tiu ba vitima Atisia tamba husi umane nian. Kaju nee, ho prosesu nuc mak 0030/17 ERSIR. Domingos da Piedade Freitas

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...