Soke Mate Vitima Joana, Valenti Pena Suspensaun Tinan 3

DILI, STLNEWS.co Tribunal Distrital Dili (TDD) liu husi desizaun ikus ba krime omisídiu neglijente, aplika pena prizaun tinan 2 fulan 6, suspende tinan 3 ba arguidu Valenti Ximenes.

Iha desizaun nee tribunal deklara, faktus neebe konsta iha akuzasaun provadu katak, akontesimentu nee iha Metinaro loron 25 fulan Outobru tinan 2020, kauza vitima Joana Fransisca Maia neebe ho motorizada mate fatin.

Tribunal mos bazeia ba deklarasaun sasin sira nian katak, momentu neeba arguidu konduz kareta halai ho velosidade makaas, ikus mai soke mate vitima.

Haree ba deklarasaun sira nee, tribunal la iha duvidas.

Maibe tribunal mos tetu hotu apoiu neebe arguidu sira fo ba iha familia vitima nian, ho nunee ikus mai tribunal deside aplika pena prizaun tinan rua fulan neen, suspende ba tinan tolu.

Tribunal mos aplika pena asesoria ba arguidu, atu labele lori kareta durante tinan ida, no entrega karta kondusaun depois de tránzitu iha julgadu, la entrega mak arguidu sei komete fali krime dezobediénsia.

Prosesu nee prezide husi juiz prosesu Ivan Suritai, MP reprezenta husi Prokurador Nelson Carvalho, arguidu hetan asistensial legal husi Defensora Publika Agustinha de Olivera.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...