Sosa Tutan Motor Naok, Eustaquio Sai Arguidu

DILI – Sosa motor Eustaquio Brito Xavier sai arguidu no tenke ba hatan Iha Tribunal Distrital Dili (TDD). Tanba nee, Ministeriu Publiku akuza arguidu kontra krime robo ho forma konsumadu neebe mak previstu iha artigu 253 kodigu penal.

Tuir akuzasaun liu husi Ministeriu Publiku nebee mak Tribunal lee sai katak, iha loron 26 Maio tinan 2015 lezadu Onencio Tilman Martins hola motor ho marka Honda Beat ida iha Agapito ho folin $1.250.00.

Iha loron 26 Maio tinan 2015 maizumenus tuku 12:30 kalan lezadu kondus nia motor refere atu fila ba nia uma, derepente mane nain rua tranka ka palang iha eskola DIT nian oin hodi hapara lezadu.

Uainhira hapara tiha lezadu ema nain ida hakbesik ba lezadu hodi losu tiha motor nia xavi no mane ida seluk losu tudik husi nia kanotak hatete ba lezada katak o tun lalais husi motor nee se lae ami soma mate o.

Iha momentu nee lezada tauk no hahalok refere no tun husi motor no ema nain rua nee sae lezadu nia motor ho numero matrikula H, 55553 TLS hodi halai ba diresaun Aimutin nian. Antes atu halai, arguidu sira hatete ba lezadu katak o tuir mai agora.

Iha kalan nee kedas lezadu lori kedas kazu nee ba PNTL no informa mos ba Dirasaun Nasional Transporte Terrestre (DNTT) atu bele kontrola ba motor nee. Tamba motor nee lezadu foin sosa no seiduk troka lider ka ajensia nia naran maibe ema nain rua naok tiha deit motor neebe mak lezadu sae.

Iha akuzasaun nee, arguidu Eustaquio mos deklara katak faktus nee balun los balu sala. Akuzasaun neebe balun sala mak momentu neeba motor arguidu sosa husi nia kolega Akey laos hadau.

Iha momentu nee hau simu telefoni husi kolega Akey dehan o hakarak sosa motor ka lae, nebee hau husu hira maibe nia dehan $1.20.00 maibe hau dehan karun liu entaun nia hatun fali ba $950 no hau la hatene katak motor nee naok tanba hau mos sosa tutan fali husi kolega,”dehan arguidu ba Tribunal.

Nia dehan tan katak depois ho akontesimentu nee mak arguidu mos intrega direitamente motor nee ba Polisia no agora dadaun motor iha tiha lezadu nia liman.

Entretantu, tuir lezadu Onencio Tilman Martins informa ba Tribunal katak los duni motor nee nia sosa iha Eustaquio ho folin $1.250.00.  Domingos Piedade Freitas

LEAVE A REPLY

Please enter your comment!
Please enter your name here

NEWS UPDATE

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...

Mota Hafahe Estrada Terminal Tasi Tolu Ho Sidade Dili

DILI, STLNEWS.co - Oras nee dadaun estrada iha terminal Tasi Tolu nakfila ona ba mota, hodi hafahe ona Tasi Tolu ho sidade Dili. Tuir observasaun...