Suspeitu Hakotu Lemorai Nia Vida, PNTL Kaptura Ona

BAUCAU, STLNEWS.co – Polisia Nasional Timor Leste (PNTL) Munisipiu Baucau, kaptura ona suspeitu nain tolu neebe oho matebian Celestino Boavida kodigu “Lemorai”.

Lia hirak nee hato’o husi Komandante Komando PNTL Munisipiu Baucau, Superintendente Xefe Armando Monteiro ba jornalista iha nia knaar fatin, bainhira remata investigasaun, Sesta nee (15/10/2021).

Komandante nee hatete, kaptura supeitu nain ida ho inisial AUS ho idade 25 iha area Ukamumu entre Suku Namanei ho Suku Afaca, Postu Adminitrativu Quelicai iha tuku 03:15 ho evidensia katana, hafoin Polisia Eskuadra Laga no Quelicai reforsa husi forsa rezeva kaptura tan suspeitu nain rua inisial LMS ho idade 21 no AFS idade 33 iha area Uasufa Namanei ho evidensia katana rua.

“Suspeitu nain tolu nee, agora dadaun submete hela ba prosesu investigasaun,” dehan Komandante PNTL Baucau.

Nia hatutan, razaun suspeitu taa vitima Celestino Boavida kodigu “Lemorai” mate fatin kedas, tanba antes nee vitima ameasa atu oho suspeitu nia inan aman, tanba pasadu vitima taa ona suspeitu nia maun inisial A iha tinan 2019.

Dadaun nee supeitu nain tolu submete ona ba prosesu investigasaun iha PNTL Munisipiu Baucau, hodi hein oras hitu nolu resin rua ba primeiru interogatoriu iha Tribunal Distrial Baucau.*

Reportajen: Tomas Reis

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...