Tama Uma Tarde, Ermelinda Simu Tuku

DILI – Arguidu Nivio Facundu da Costa tenke ba hatan iha Tribunal tamba halo agresaun fizika hodi hasoru lezada Ermelinda Soares.

Tuir akuzasaun husi Ministeriu Publiku neebe mak Tribunal lee sai katak iha loron 1 fulan Maiu, tinan 2016 horas tuku 5:00 Otl, iha Kuluhun, lezada Ermelinda Soares ho arguidu Nivio Facundu da Costa ba iha arguidu nia tia Joana nia uma atu rezolve problema konaba arguidu deskonfia lezada ba mane seluk.

Kauandu problema nee rezolve hotu arguidu fila uluk ba uma, la to oras ida lezada to mai no kuandu lezada ba arguidu toba hela iha sala. Ho nunee, arguidu tolok lezada hasai liafun aat, lezada hatan ba arguidu o koalia mak koalia too baruk deit maibe la preokupa. Arguidu rona liafuan nee, nervozu hodi tuku iha lezada nia rentos parte karuk, no tuku tan iha kabas parte los.

Konsekuensia husi arguidu nia hahalok nee halo lezada hetan moras no bubu iha isin lolon no konsege ba halo tratamentu iha Ospital. Tamba nee, Ministeriu Publiku akuza arguidu komete krimi violensia domestika, artigu 145 KP.

Hatan ba deklarasaun nee, arguidu Nivio Facundu da Costa, hili dalan nonok hodi lakohi fo ninia komentariu ba faktus hotu neebe mak Ministeriu Publiku aplika ba arguidu.

Iha fatin, hanesan, tuir lezada Ermelinda Soares dehan, los duni momentu nee nia baku duni lezada tanba deit lezada fila ikus. Tamba nee mak arguidu nervovu hodi tolok, baku no tuku lezada hodi rejulta monu ba iha rai.

Hafoin rona tiha depoimentu husi parte rua, Tribunal submete kedas ba iha alegasaun final. iha alegasaun MP husu ba tribunal atu aplika pena prizaun fulan 6 suspende ba tinan ida. Maibe, husi parte defesa katak arguidu hili dalan nonok tamba lei fo dalan no nonok nee la signifika katak arguidu sala. Tamba nee, husu ba Tribunal atu aplika pena prizaun neebe mak adekuadu no justu ba arguidu. Domingos Piedade Freitas

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...