Tan Deit Konta Malu, Lori Malu To’o Tribunal

DILI, STLNEWS.co – Tribunal Distrital Dili (TDD) halao julgamentu ba iha arguidu inisial ESM no arguida inisial JM, neebe komete krime danu simple no ofensa integridade fisika simples hasoru lezada ho inisial ER.  Motivu husi akontesimentu nee, tanba deit arguida konta lezada nia vida ho mane seluk.

Iha akuzasaun husi Ministeriu Publiku nian katak, motivu husi problema nee, tanba deit arguida konta lezada nia vida ho mane seluk.

Iha sala julgamentu laran, tribunal haree katak, krime nee natureza semi publiku, lei fo dalan atu bele dada fila, tanba nee tribunal tenta atu halo konsiliasaun ba iha parte rua.

Maibe iha konsiliasaun nee, lezada lakohi dada fila prosesu nee, tanba arguida no arguidu baku lezada iha estrada publiku.

Haree ba razaun lezada nian, tribunal singular nee deside hodi hakat kedan ba iha julgamentu, tanba liu husi tentativa lezada la aseita.

Iha julgamentu arguida konfesa katak, motivu husi problema nee laos konta lezada, maibe tan osan. No momentu akontese problema, arguida la rakut lezada nia fuuk, maibe aperta deit lezada nia faru gola, halo faru butaun monu hotu.

Arguidu mos deklara katak, arguidu la tebe tuku lezada, maibe arguidu ba hafahe deit lezada no arguida mak arguidu dudu lezada.

Rona fali deklarasaun lezada, nia konfesa katak, motivu husi problema nee, tanba arguida konta lezada nia vida.

Ikus mai lezada deklara, nia hakarak dada fila fali prosesu nee, tanba sira sei familia, maibe nia lakohi arguida no arguidu fo osan atu selu nia kanek neebe durante nee, nia sosa ai moruk hodi kura.

Rona tiha lezada nia deklarasaun nee, tribunal fo adverténsia ba arguida no arguidu, atu iha futuru labele halo tan krime. Tribunal mos husu ba iha arguida no arguidu hamriik iha oin hodi husu deskulpa ba lezada.

Rona tiha parte sira nee, Ministeriu Publiku no Defensor Publiku solisita ba iha tribunal singular atu omologasaun dezisténsia ba keixa.

Rona tiha parte rua, tribunal deside omologasaun dezisténsia ba keixa, no absolve arguida no arguidu husi krime neebe imputa ba sira.

Audensia julgamentu nee, prezide husi juiz singular Afonso Carmona, Ministeriu Publiku reprezenta husi prokuradora Bemvinda do Rojario, arguidu hetan asistensia legal husi Defensor Publiku.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...