TDD Adia Kazu Fo Prejuizu Ba Estadu US$ 926,06

DILI, STLNEWS.co – Tribunal Distrital Dili (TDD) adia hikas julgamentu ho nia krime fraude fiskal, tanba arguidu ida no Ministeriu Publiku la marka prejensa iha julgamentu ba loron neebe determina ona.

Arguidu iha rua, arguidu DG maka marka prejensa iha tribunal no arguidu FF la marka prejensa.

Iha sala julgamentu laran, juiz prosesu deklara katak, julgamentu la realiza tanba prosesu prokurador Matias Soares tuir informasaun neebe tribunal hetan, desloka ba Oecusse hodi halo atendementu ba prosesu seluk.

Relativamente substituisaun ba prosesaun, tribunal informa ba prokurador Jacinto Babo, Xefi Prokurador Distrital de Dili informa katak, nia atende ba deit kazu neebe ho natureza korupsaun.

Ho rajaun nee tribunal labele halao julgamentu, por falta de Majistradu Ministeriu Publiku.

No relasionamentu ho arguidu neebe falta, tribunal solisita ba iha seksaun jeral notifika nia atu fo justifikasaun dentro de loron lima. No mos notifika foun fali nian ba julgamentu neebe marka ona.

No konaba testamuna neebe tama hela iha izolamentu, tribunal mos husu atu notifika nia, se nia rekopera ona julgamentu ba loron neebe termina ona, nia bele marka prejensa.

Ho rajaun sira nee, tribunal deside adia julgamentu nee ba iha loron 14 fulan Jullu oras tuku 17:00 loraik.

Prosesu adiamentu nee prejide husi juiz Alvaro Maria Freitas, akompana husi defeza, no ofisial da justisa.

Tuir faktus katak, iha loron 23 fulan Maio 2015, arguidu DG liu husi despasante broker LEA halo importasaun ba kareta Mitsubishi ida.

Kareta refere importa husi Indonezia no tula ho kontentor numeru MRTU, 2045508.

Tuir pedidu importasaun neebe maka arguidu aprezenta kareta refere sosa ho folin Rp 215,681,818.00.

Iha loron 21 Jullu 2015, kuandu ekipa inspesaun husi alfandega finaliza inspesaun ba kareta refere, entrega kedan relatoriu ba iha despasante LEA hodi ba prosesu aduaneiru uniku atu nunee hodi halo pagamentu ba taxa.

Relatoriu nee entrega ba arguidu FF, nudar funsonariu husi ajensia LEA hodi ba selu taxa iha BNU.

Kuandu alfandega sira halo inpesaun arguidu DG fo fiar ba arguidu FF husi kompania LEA asiste prosesu inpesaun ba kareta to remata.

Akontese katak, iha loron 13 Maio 2016 funsionariu alfandega sira atu halo fali verifikasaun ba kareta refere indentifika katak, arguidu nain rua lori ona kareta sai husi portu Dili sem konesementu husi funsionariu alfandega nian.

No indentifika katak arguidu sira lori kareta sai, tanba hases an husi taxa neebe iha.

Tuir lolos arguidu sira tenke selu taxa ho montante US$ 926,06, maibe arguidu sira la halo ida nee.

Tanba nee MP akuza arguidu nain rua komete krime fraude fiskal neebe previstu iha artigu 314 husi KP.*

Reportajen: Terezinha de Deus
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: