TDD Aplika Aprezentasaun Periodika Ba A, J, & J

Tribunal Distrital Dili, liu husi despaisu ikus, aplika medida aprezentasaun periodika, ba iha arguidu nain tolu ho inisial A, J, J. (Foto: TDD)

DILI, STLNEWS.co – Tribunal Distrital Dili, liu husi despaisu ikus, aplika medida aprezentasaun periodika, ba iha arguidu nain tolu ho inisial A, J, J.

Iha prosesu primera interogatoriu nee taka ba iha publiku, maibe husi parte MP deskonfia promove arguidu nain tolu, ba iha krime arama branca, no tentativa homesidu.

Despaisu ikus nee, tribunal aplika medida aprezentasaun periodika ba arguidu nain tolu, iha loron Eegunda, Kuarta no Sesta.”Arguidu nain tolu hetan hotu medida aprezentasaun periodika, kada semana ida dala tolu, dehan fontes konfirmadu,” ba STL iha tribunal.

Nunee, tuir lei neebe iha, medida aprezentasaun hanesan mos meius ida, atu ajuda ministeriu publiku, hodi halo investigasaun.

Prosesu primera interogatoriu nee, prezide husi Juiz titular, Maria Solana, MP reprezenta husi prokurador Domingos Barreto, arguidu hetan asistensial legal husi Advogado Privado.

Tuir kronolojia katak, kazu nee akontese iha Becora, iha loron Sesta (30/11/2020), no arguidu sira kaer husi polisia, kompleta tiha 72 horas, hafoin submete mai iha prosesu primera interogatoriu.

Reportajen: Terezinha de Jesus

Editora: Carme Ximenes

LEAVE A REPLY

Please enter your comment!
Please enter your name here