TDD Aplika Medida AP No Proibisaun atu sai Ba Emprezariu Nain 4

DILI, STLNEWS.co – Tribunal Distrital Dili (TDD) liu husi despaixu ikus, aplika medida aprezentasaun periodika ba iha arguidu nain tolu, no medida proibisaun atu sai ba arguidu nain ida.

Iha despaixu nee arguidu nain tolu ho inisial RH, NS, GMBC, hetan medida aprezentasaun periodika atu aprezenta an ba iha Komisaun Anti Korupsaun (CAC – sigla portugues) fulan ida dala ida, no arguidu AK tribunal aplika medida Proibisaun atu sai (Proibição de ausência) prende passaporte atu labele sai ba nasaun seluk.

“Sira nain tolu hetan aprezentasaun periodika, no ida hetan medida Proibisaun atu sai,” dehan Advogadu Pedro Aparisio ba STL,  Domingu (22/08/2021).

Nia hatutan, atu halo rekursu ka lae nia parte sei hare, depois mak bele deside halo rekursu ka lae.

Arguidu nain haat nee, iha loron Sesta 20/08/2021 iha oras tuku 14:00 loraik, ekipa husi CAC submete mai iha Tribunal Distrital Dili hodi tuir prosesu primeira interogatoriu.

Iha prosesu primeira interogatoriu nee, Ministeriu Publiku promove arguidu nain haat, ba iha krime Fraude Fiskal no Brankamentus Kapitais.

Prosesu neebe halao iha loraik loron Sexta, ba arguidu nain haat feto rua mane rua ho inisial RH, NS, GMBC, AK, no tribunal rona uluk deklarasaun arguida nain rua nian, no iha loron Sabadu, mak rona arguidu nain rua seluk nia deklarasaun hodi tama ba iha despaixu ikus.

Prosesu primeira interogatoriu nee prezide husi Juiz turnu Jose Gonsalves, Ministeriu Publiku reprezenta husi Prokurador Matias Soares, arguidu hetan asistensia legal husi Advogadu Privadu.

Tuir observasaun STL nian katak, arguidu nain haat mai iha tribunal uja kaos detido CAC, no akompana husi ekipa CAC.

No arguidu sira hetan kapturasaun, tanba deskonfia kaer projetu balu, maibe la selu taxa ba estadu ho tinan naruk.

Reportajen: Terezinha de Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: