TDD Aplika Pena Multa $45 Ba JC

DILI, STLNEWS.co – Tribunal Distrital Dili (TDD) iha loron Segunda (10/05/2021), liu husi desizaun ikus, aplika pena multa ba iha arguidu JC.

Iha desizaun nee tribunal haree katak, faktus neebe konsta iha akuzasaun provadus hotu katak, arguidu komete duni krime ofensa integridade fisika simples neebe previstu iha artigu 145 husi kodigu penal, hasoru lezadu NS.

Tribunal haree faktus provadus katak, iha loron 15 fulan Outubru 2020 iha Hera, arguidu no lezadu deskute malu tanba xave, tanba nee lezadu tuku uluk arguidu, ikus mai arguidu mos liman konaba lezadu, baku lezadu halo too ran sai iha ulun.

No provadus mos katak, lezadu lori ba iha hospital no suku pontu rua. Tribunal mos bazeia ba arguidu lezadu no sasin sira nia deklarasaun, tanba nee ikus mai tribunal la iha duvida hodi foti desizaun ba kazu refere.

Haree ba deklarasaun sira nee hotu, tribunal haree katak, krime neebe imputa ba iha arguidu, nia kastigu bele tama prizaun ka selu multa. Tanba nee tribunal haree katak, arguidu foin primera vez mai iha tribunal, no arepende ba nia hahalok, tanba nee tribunal deside aplika pena multa ba arguidu.

Nunee iha desizaun ikus, tribunal kondena arguidu ho pena multa $45, se arguidu la kumpre desizaun nee, sei tama prizaun durante loron 30.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: