TDD Aplika Pena Multa Ba Membru GAM 117

DILI, STLNEWS.co Tribunal Distrital Dili (TDD) iha desizaun ikus ba prosesu sumariu, aplika pena multa ba arguidu nain 117, ne’ebé antes ne’e polisia halo kapturasaun iha Manleu.

Tuir Defeza Sergio Gama Lobo da Silva Junior katak, tribunal aplika pena multa ba kliente sira.

“Tribunal deside aplika pena multa ba sira nain atus ida resin, inklui nain 10 ne’ebé iha hela kuarentena,” dehan nia ba STL iha TDD, Segunda nee (27/09/2021).

Nia hatutan, tribunal la’os deit aplika pena multa, maibe aplika mos pena subtituisaun katak, arguidu sira la kumpre pena multa, mak iha prazu loron 15 nia laran, arguidu sira sei kumpre kastigu iha prizaun.

Defeza ne’e esplika, pena multa kada ema ida sei selu 15.00, la selu mak sei hetan kastigu iha prizaun.

Iha prosesu sumariu ne’e, Ministeriu Publiku akuza arguidu sira pratika krime ilisitu aktu arte marsiais, ne’ebé previstu iha artigu 26 lei arma branka numeru 5/2017.

Maibe antes atu tama ba iha desizaun, tribunal halo fali alterasaun kualifikasaun juridiku husi artigu 26 ba iha artigu 24.

Iha alegasaun, husi parte Ministeriu Publiku nian husu ba iha tribunal, atu aplika pena prizaun tinan 1 suspende ba tinan 2.

Maibe husi parte defeza nian, iha alegasaun husu ba tribunal atu fo absolvisaun ba iha arguidu sira.

Prosesu ne’e prezide husi juiz titular Afonso Carmona, Ministeriu Publiku reprezenta husi prokuradora nain ida, no arguidu sira hetan asistensia legal husi Advogadu Privadu, no Defensor Publiku Albino de Jesus Pereira.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...