TDD Julga Funsionariu Basa EA

DILI, STLNEWS.co – Tribunal Distrital Dili, halao julgamentu ba arguidu nain rua ida ho inisial MC, neebe halao knar hanesan funsionariu iha funsaun publiku no arguidu JP, neebe agora dadaun halao knar fo seguransa ba estatua Joao Paulo II iha Tasi Tolu.

Tuir faktus katak, iha loron 11 fulan Junu tinan 2020, iha tuku hitu kalan iha aldeia Terra Santa Suku Madohi, lezadu EA ba iha nia kolega Ameu Metan nia uma ihaTasi Tolu hodi hare ema joga karta.

Arguidu MC sai mai konvida lezadu atu joga, maibe lezadu dehan osan la iha no lakohi joga, tanba nee arguidu tama ba bolu fali arguidu JP sai mai hodi koalia barak no ameasa lezadu, no arguidu MC hamrik ba basa kedan lezadu dala rua.

Konsekuensia husi arguidu nia hahalok nee, halo lezadu sente moras no tauk hodi ba hatoo keixa iha polisia.

Tanba nee Ministeriu Publiku akuza arguidu nain rua komete krime ofensa integridade fisika simples neebe previstu iha artigu 145 husi KP.

Hatan ba faktus nee arguidu MC deklara katak, faktus nee balu loos no balu lalos.

Arguidu deklara katak, sira joga hela maka lezadu ba koalia provoka arguidu, tanba nee maka arguidu nervoju hodi baku lezadu. Arguidu dehan iha momentu neeba nia la hetan arguidu JP ida, no arguidu JP la iha fatin neeba.

Arguidu rekonese katak, antes nee sira joga hamutuk ho lezadu iha nia uma, maibe mosu problema nee laos iha lezadu nia uma, maibe iha Ameu nia uma. Arguidu mos arepende ba nia hahalok, no promete sei la halo tan hahalok nee iha futuru.

Iha fatin hanesan arguidu JP deklara katak, faktus neebe iha lalos ida. Tanba momentu neebe nia la marka prejensa iha fatin neeba. No momentu akontese problema nee nia iha uma hela, no nia rasik la hatene konaba problema nee.

Nia deklara antes nee sira joga iha nia uma, maibe ba joga hemu ho tua no nia bandu atu joga iha nia uma.

Arguidu dehan, nia hela fatin ho lezadu nia hela fatin dook malu, no sira nain rua antes nee la iha problema, no nunka mais joga hamutuk ho lezadu dala ida.

Sasin DM deklara tan katak, iha momentu neebe sira nain neen halimar hela karta. Mosu problema sasin hare arguidu MC basa lezadu dala rua, no liu tiha oras balu maka arguidu JP mosu tan mai hodi tolok lezadu.

Rona tiha parte sira, tribunal adia ba loron 30 fulan Jullu oras tuku 14:00 hodi kontinua rona lezadu.
Audensia julgamentu nee prezide husi juiz Singular, Ersilia De Jesus, ministeriu Publiku reprezenta husi prokurador nain ida, arguidu hetan asistensia legal husi Defensor Publiku.

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: