TDD Julga JRM, Lori Fatuk Tuda Membru F-FDTL

DILI, STLNEWS.co – Tribunal Distrital Dili halao julgamentu ba arguidu ho inisia JRM, neebe lori fatuk tuda membru F-FDTL ida hanesan lezadu ho inisial JCP too suku pontu lima.

Tuir faktus katak, iha loron 21 fulan Agustu tinan 2020, iha oras tuku 4:00 madrugada, lezadu hanesan membru F-FDTL fila ba nia uma ho motor.

Lezadu too besik iha edefisiu F-FDTL Tasi Tolu, arguidu hamutuk ho nia kolega sira hapara lezadu ho motor, hodi husu osan atu sosa sigaru.

No lezadu dehan ba sira imi polisia ka F-FDTL maka para ema atu husu osan nee.

No lezadu foti telefone atu kontaktu ba nia kolega sira, arguidu foti kedan fatuk tuda kona lezadu nia ibun ran, no telefone rahun.

Konsekuensia husi arguidu nia hahalok nee, halo lezadu nia telefone rahun, nehan nakdoko no lori ba iha hospital suku pontu lima.

Tanba nee Ministeriu Publiku akuza arguidu hanesan autor material ba krime Istrusaun neebe previstu iha artigu 270 husi kodigu penal, no krime danu no violensia neebe previstu iha artigu 260.

Kona ba krime istrusaun nia natureza semi publiku, no sira rejolve ona familia, tanba nee lezadu aseita dada fila. Tanba nee tribunal kontinua julga deit krime danu no violensia.

Hatan ba faktus nee arguidu deklara katak, faktus neebe iha loos hotu. Arguidu sira husu duni osan ba lezadu atu sosa sigaru, maibe sira ho kondisaun lanu. No arguidu rekonese, nia lori duni fatuk tuda kona iha lezadu nia ibun, maibe konaba ida telefone rahun nia la hatene.

Arguidu mos deklara katak, sira diak malu ona ho lezadu, tuir kultura nian fo ona sala ba iha lezadu.

Lezadu mos haforsa tan akuzasaun katak, arguidu maka tuda duni lezadu, suku pontu lima. Lezadu rekonese, sira diak malu ona, no arguidu sira fo ona osan animal balu hodi fo sala hahalok neebe nia halo.

Rona tiha deklarasaun husi arguidu no lezadu nian, prokurador preside atu la rona sasin sira neebe notifika ona.
Tanba nee tribunal husu ba iha ministeriu publiku atu tama ba iha alegasaun.

Iha alegasaun Ministeriu Publiku mantein ho akuzasaun neebe iha, no husu tribunal fo kastigu pena prizaun adekuadu tuir nia hahalok neebe nia halo, no lei permite bele fo pena suspensaun.

Enkuantu husi parte defeza nian iha alegasaun, hare katak arguidu fo sala ona lezadu, arguidu mos konfesa no arepende nia hahalok, tanba nee husu tribunal atu fo pena neebe justu no adekuadu.

Rona tiha parte rua, tribunal deside adia ba loron 5 fulan Agustu oras tuku 14:00 hodi rona desizaun.

Audensia julgamentu nee prezide husi juiz kolektivu, Afonso Carmona, Albertina Neves, Ersilia de Jesus, Ministeriu Publiku reprezenta husi prokurador Antonio Tavares, arguidu hetan asistensia legal husi Defensor Publiku.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: