TDD Julga Kazu Deputadu Antonio, Inklui Arguidu 4

DILI, STLNEWS Tribunal Distrital Dili (TDD) iha loron Kinta (23/09/2021) halao primeiru julgamentu ba kazu, neebe komete husi arguidu nain lima.

Tuir faktus hatudu katak, arguidu sira neebe envolve ba iha krime nee, iha arguidu nain lima, Antonio da Costa nuudar Funsionariu Publiku no asumi kargu nuudar Diretor Nasional ba Industria no Transformadora iha Ministeriu Komersiu, Industria no Ambiente.

Arguida Julmira Inacia Belo, nuudar Funsionariu Publiku no asumi kargu nuudar Xefe Departementu Lojistika Nasional iha Diresaun Nasional Aprovizionamentu no Lojistiku, iha MCIA.

Arguidu Gaspar Policarpo da Silva Correa, nuudar Funsionariu Publiku no asumi kargu hanesan Diretor Nasiona ba Aprovizionamentu, no Lojistika iha MCIA.

Arguidu Paul Manuel da Costa Soares Viana, nuudar Diretor husi Kompania Kninuk stra Unipesoal Lda.

Arguidu Antonio Da Conceição, nuudar Ministru iha MCIA, no aktual nuudar membru parlamentu, deputadu husi Bankada PD.

Antonio da Costa nuudar autor material ba krime Pekulatu previstu iha artigu 295 Kodigu Penal Timor Leste.

Arguidu nain lima nee, envolve iha krime sira nee, relasiona iha tinan 2014 MCIA iha osan atu sosa ekipamentus diversus, husi orsamentu kapital menor ho montante global US$ 200,000.00, neebe ate fulan Junu tinan 2014, orsamentu refere seidauk ezekuta.

Ekipamentus sira nee mak hanesan, test kids ba laboratoriu, akipamentus test ba ethanol, makina pakotamentu ba kafe, makina sona kafe, sai nuudar fasilidade iha sentru treinamentu iha Matadoru, atu fo treinamentu ba ema sira.

Maibe iha prosesu nee, lao la tuir planu neebe iha, tanba nee husi arguidu sira nia hahalok nee, fo prezuiju ba iha estadu Timor Leste ho montante US$ 143,500.00.

Iha julgamentu nee, tribunal rona uluk deklarasaun husi arguidu Antonio da Costa. Nia deklara katak, antes nee asumi kargu, maibe agora hanesan funsionariu baibain.

Konaba faktus neebe iha akuzasaun arguidu deklara katak, iha faktus balu loos no balu lalos. Konaba asumi kargu nuudar Diretor Nasional ba Industria no Transformadora iha Ministeriu Komersiu, Industria no Ambiente, ida nee los, hahu husi tinan 2012 to’o tinan 2016.

Arguidu deklara, iha tinan 2014 MCIA iha osan atu sosa ekipamentus diversus, husi orsamentu kapital menor ho montante us$ 200,000.00.

Arguidu konfesa, iha momentu neeba arguidu halo pedidu ida, haruka ba iha parte finansa nian, atu komunika konaba osan. No sira informa osan iha, tanba nee mak arguidu halo fali deskrisaun ba sasan neebe atu sosa.

Rona tiha arguidu nee, tribunal deside adia ba loron seluk, hodi rona tan arguidu seluk.

Audensia julgamentu nee, prezide husi Juiz Kolektivu Ana Paula, Maria Solana, Ivan Suritai, Ministeriu Publiku reprezenta husi Prokurador Rogerio Viegas, arguidu sira hetan asistensia legal husi Advogadu Privadu no Defensor Publiku.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...