TDD Julga Kazu Soke Labarik

DILI, STLNEWS.co Tribunal Distrital Dili (TDD) halao julgamentu sumariu ba arguidu ho inisial BJF, tanba konduz motor soke labarik ida iha area Bebonuk.

Iha prosesu sumariu nee, tribunal rona tiha arguidu nia deklarasaun, ikus mai iha desizaun juiz deside aplika medida Termu ba Identidade no Rezidensia (TIR) ho medida aprezentasaun periodika ba arguidu.

“Juiz aplika aprezentasaun ba ami nia kliente arguidu BJF, ba kazu soke labarik ida iha area Babonuk,” dehan Advogadu Privadu Marito da Silva ba STL, Segunda nee (06/09/2021).

Nia hatutan, tribunal aplika medida refere ba iha arguidu, tanba haree katak iha indisiu balu neebe prienxe rekezitus krime nian.

Nunee ba prosesu nee, Ministriu Publiku promove arguidu ho krime rua kompostu husi krime sem karta kondusaun no krime omisidiu neglijente neebe previstu iha artigu 140 no artigu 207 husi kodigu penal Timor Leste.

Tuir kronolojia katak, kazu nee akontese iha loron 26 fulan Agostu, maizoumenus tuku 16:50 OTL, iha aldeia 20 de Setembru, Suku Bebonuk, Postu Dom Aleixo Dili, arguidu kondus veikulu lixeiru merkadu (Kizang) kor metan no nia xapa matrikula A-22-247 TL, tula sementi, maibe laiha karta kondusaun.

Prosesu sumariu nee prezide husi Juiz Evangelino Belo, parte Ministeriu Publiku reprezenta husi Prokurador Hipolito Santa, no arguidu hetan asistensia legal husi advogadu privadu Marito da Silva.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: