TDD Kontinua Julga Kazu Eis Ministru Administrasaun Estatal Arcangelo

DILI, STLNEWS.co – Tribunal Distrital Dili iha loron Kuarta (31/03/2021) kontinua julga kazu neebe deskonfia komete husi arguidu nain hitu. Kazu nee lori too iha tribunal, relasiona ho konstrusaun edifisiu camara munisipiu Baucau, no mos konstrusaun edifisiu camara munisipiu Oecusse. Arguidu nain hitu mak hanesan AJGL, RAV, AUF, AX, DM, MF, no MK.

Antes nee tribunal rona ona arguidu balu, tanba nee agora tribunal rona fali depoimentu husi arguida RAV.

Iha arguida nia depoimentu nia deklara katak, iha tinan 2009 too iha tinan 2010 nia halao serbisu iha Ministeriu Infraestrutura, maibe iha momentu neeba sira simu tiha tomada da posse halao knaar, hanesan funsionariu no fiskaliza ba obras bazeia ba sira nia esperiensia neebe iha, tanba seidauk iha lei organika ida.

Arguida dehan, empreza neebe kaer konaba konstrusuan nee inisiu nia la hatene, se maka eskola empreza nee ida nee kabe ba iha Ministeriu Administrasuan Estatal mak hatene.

Arguida rekonese, Dezenu no BOQ ba munisipal rua prepara husi empreza Decons Unipesoal LDA. Dezenu ba konstrusaun camara munisipal prepara husi empreza Decons unipesoal LDA, no hetan aprovasaun husi arguida.

Nunee asinatura neebe nia asina ba iha kuantidade, laos ba iha valor.

Nia deklara tan, pedidu liu des porsentu, tanba iha item foun, no nia fo aprovasaun tanba momentu neebe nia kargu hanesan diretora, no nia haree parte sira verifika hotu ona, tanba nee nia fo aprovasaun atu ministeriu finansa selu osan.

Nunee nia parte dehan, sira mak prepara sertifikadu pagamentu, maibe atu sertifika haree ba progresu neebe ema halo ona. No sertifikadu nee kontratu iha, foin halo sertifikasaun pagamentu.

Arguida deklara tan, kontratu ba konstrusaun nee halao iha Ministeriu Finansa.

Rona tiha arguida, tribunal adia ba loron seluk hodi rona arguidu seluk.

Antes nee mos hatan arguidu AJGL deklara katak, iha tinan 2010 asumi kargu hanesan, Ministru Administrasaun Estatal e Ordenamentu Teritorial.

Arguidu deklara katak, nia fo deit orientasaun ba iha kompania Decons hodi halo dezenu, konaba camara munisipal Baukau, no camara munisipal Oecusse. Iha sala julgamentu laran, arguidu mos deklara, nia parte lakohi fo komentariu konaba akuzasaun neebe konsta iha pajina 10 no pajina 11.

Arguidu deklara katak, aprovasaun adisional ultrapasa 10 porsento iha nia sekuensia katak, diretor kompania sira halao hela sira nia obra, sira halo pedidu pagamentu tanba obra atinje ona 25 porsento, iha direitu bele halo pedidu pagamentu.

Pedidu primeru dirije ba iha obras publika, no hetan aprovasaun husi gestor obras publika distrito, dirije ba obras publika nasional, halao sira nia knaar verifika depois fo aprovasaun.

Nunee arguidu deklara, atu halo pedidu depende progresu iha terenu. Arguidu mos la iha konesementu konaba pedidu adisional nia presentajem too hira.

Arguidu mos rekonese konaba prosesu ida nee, pedidu adisional ultrapasa 10 porsento loos, tanba hetan aprovasaun husi gestor obras publika husi munisipiu, hetan vistu husi administrador munisipiu, mai iha obras publiku nasional, depois ba iha estatal.

Arguidu deklara, pedidu neebe iha tekniku obras publiku kuandu verifika ona signifika buat hotu loos ona, tanba nee ba iha ministeriu sira aprova duni.

Deklara tan, prosesu pagamentu, hanesan Ministeriu Estatal prepara stv, iha nia sekuensia primeru ofisial finansa mak prepara, depois xefe departementu sertifika, diretor autoriza, mak submete ba iha ministeriu halo aprovasaun.

Arguidu deklara, pedidu pagamentu no pedidu adisional, kuandu obra hotu sira foin halo ida nee. Hatan konaba obras balu seidauk hotu ema bele halo pedidu, nia parte la iha konesementu.

Tuir faktus katak, konaba konstrusuan rua nee, nain ba obra rua refere mak Ministeriu Administrasaun Estatal e Ordenamentu Teritorial (MAEOT). Dezenu no BOQ ba munisipal rua prepara husi empreza Decons Unipesoal LDA. Dezenu ba konstrusaun camara munisipal prepara husi empreza Decons unipesoal LDA, no hetan aprovasaun husi arguida RAV ho montante US$ 999.610,02.

Durante implementa planu ba konstrusaun edifisiu rua nee, rekomenda adisional neebe maka ultrapasa husi 10 porsento, no hetan aprovasaun husi arguida RAV, arguidu AUF, no mos arguidu AJGL, hodi aprova iha CPV no halo amandamentu ba kontratu.

Prosesu nee tama iha tribunal, tanba demandadu sira ignora ho forma deliberada, livre e konsientemente konaba regra kontrolu liga ho pedidu adisional aprezenta atu hasai osan husi kofre estadu la envolve gestor sira husi munisipiu, no sira hamutuk ho arguidu sira seluk hodi fo aseitasaun ba adisional neebe liu husi 10 porsentu, sem halo verifikasaun hodi hamosu prejuizu ba estadu.

Nunee ba prosesu ida nee arguidu sira ba hatan iha tribunal, tanba orsamentu neebe aprova hodi halo camara munisipal rua nee, kompania hatama pedidu adisional ba iha ministeriu liu tiha husi 10 porsentu, maibe arguidu sira kontinua aprova fali pedidu nee, tanba nee maka fo prejuizu ba iha estadu.

Ho nunee, Ministeriu Publiku akuza arguidu sira hanesan AJGL ba krime rua partesipasaun ekonomia e negosiu no krime agravasaun neebe previstu iha artigu 299 no artigu 301.

Arguidu RAV komete krime partesipasaun ekonomia e negosiu neebe previstu iha artigu 299 husi KP. Arguidu AUF hanesan autor material ba krime partesipasaun ekonomia e negosiu. Arguidu AX hanesan autor material ba krime Administrasaun danoza neebe previstu iha artigu 274. Arguidu DM hanesan autor material ba krime administrasaun danoza neebe previstu iha artigu 274. Arguidu MF hanesan autor material ba krime burla agravadu 267. Arguidu MK hanesan autor material ba krime burla agravadu neebe previstu iha artigu 267.

Audensia julgamentu nee, prezide husi juiz kolektivu Afonso Carmona, Albertina Neves, Ersilia da Silva, Ministeriu Publiku reprezenta husi Prokuradora Lidea Soares, arguidu hetan asistensia legal husi Advogadu Privadu no Defensor Publiku.

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...
%d bloggers like this: