TDD Liberta Membru PSHT Hodi Hein Desizaun

DILI, STLNEWS.co – Membru Persaudaraan Setia Hati Terate (PSHT) neebe hetan kapturasaun husi Polisia Nasional Timor Leste (PNTL) no FALINTIL Forsa Defaza Timor Leste (F-FDTL) iha Manleu, iha loron Kuarta kotuk ba, submete ona ba iha Tribunal Distrital Dili (TDD) iha loron Sesta horiseik hodi, tuir prosesu sumariu (primeiru interogatoriu).

Iha prosesu sumariu nee, Ministeriu Publiku akuza arguidu sira ba iha pratika krime ilisitu aktu arte marsiais neebe previstu iha artigu 26 lei arma branka numeru 5/2017.

Tuir defeza Albino de Jesus Pereira katak, tribunal liberta ona arguidu sira.

“Tribunal liberta ona sira no iha loron 15 tuku 14:00 mak foin rona desizaun husi tribunal,” dehan defeza nee ba STL, Sabadu (11/09/2021).

Defeza nee hatutan, rona tiha deklarasaun husi parte sira, iha alegasaun ba prosesu nee, husi parte Ministeriu Publiku nian husu ba iha tribunal atu aplika pena prizaun tinan ida suspende ba tinan rua.

Maibe husi parte defeza nian, iha alegasaun husu ba tribunal atu fo absolvisaun ba iha arguidu sira.

Tuir defeza nee, arguidu sira polisia kaptura hamutuk 117, maibe halo teste swab ba sira no ikus mai nain 10 pozitivu iha kuarentena, no iha nain 107 mak la pozitivu no submete ba iha prosesu sumariu nee.

Prosesu sumariu nee, prezide husi juiz turnu Afonso Carmona, Ministeriu Publiku reprezenta husi Prokuradora Angelina Saldanha, no arguidu sira hetan asistensia legal husi Advogadu Privadu, no Defensor Publiku Albino de Jesus Pereira.

Tuir kronolojia katak, arguidu sira antes submete mai tribunal, kumpre mos horas 72. No momentu polisia halo kapturasaun, halo aprensaun mos ba motorizada sira.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: