Telefone Lakon, Juliao Pankada Natalina

DILI-Juliao da Silva neebe Ministeriu Publiku notifika nudar arguidu tamba baku nia fe’en Natalina dos Santos nuudar lezada tamba deit deskonfia lezada nia alin Antonio mak foti sira nia telefone.

Iha audensia julgamentu nebee tribunal lee sai akuzasaun husi Ministeriu Publiku katak, Arguidu Juliao da silva, ho lezada Natalina dos santos moris hamutuk nudar fe’en laen iha oan nain tolu. Iha loron 10 Novembro tinan 2015, oras tuku 9:00 otl dader, iha Aipelu, Munisipiu Liquica Postu administrativu Bazartete

Arguidu haruka lezada ba foti telefone iha lezada nia alin Antonio nia uma, neebe hela dok husi sira, lezada mos konsege ba husu duni telefone ba nia alin Antonio, maibe nia alin dehan nia la foti telefone.

Depois lezada fila husi nia alin nia uma, lezada dehan ba arguidu katak, lezada nia alin dehan nia la foti telefone.

Rona lezada dehan nunee, arguidu ho nervozu tuku dala ida iha lezada nia kanuruk, tuku dala rua iha kotuk laran, lezada halai sai mai liur, arguidu foti tan fatuk tuda lezada maibe la kona, duni tuir lezada kaer iha kanotak dudu monu tun ba rai.

Konsekunsia husi arguidu nia hahalok, lezada hetan moras iha nia kotuk laran, halo nia monu ba rai moras iha nia kanotak. Arguidu mos halo hahalok nee ho forma konsiente, livre e deliberada. Arguidu hatene katak baku lezada bele hakanek, hamoras lezada nia isin, mesmu hanesan nee, nia hakarak baku lezada no kontra lezadu nia vontade, Arguidu mos hatene katak, hahalok nee probidu no punidu iha lei

Hatan ba akuzasaun nee, arguidu deklara katak faktus husi MP nee los hotu, tuku no dudu duni lezada monu ba rai, tuda tuir lezada maibe la kona, lori ai-padasuk duni tuir lezada, maibe arguidu nia tiun mak hadau tiha ai-pedasuk. Domingos Piedade Freitas

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...