Trafiku Humanu Akontese, Tanba Kampu Servisu Menus

DILI, STLNEWS.co – Krime trafiku humanu tantu husi rai laran ba rai liur no husi rai liur mai rai laran akontese barak, tanba kampu servisu neebe menus, kondisaun ekonomia no menus konesimentu ba krime ida nee.

Kestaun nee afirma husi Presidente Konfederasaun Sindikatu Traballador Timor-Leste (KSTL), Almério Vila-Nova Gouveia ba jornalista sira iha nia knaar fatin KSTL, Kinta nee (21/10/2021).

Nia dehan, situasaun iha Timor-Leste neebe menus kampu servisu no kondisaun ekonomia sidadaun nian, neebe fraku lori risku boot ba joventude sira atu monu ba oferta oportunidade servisu sira, neebe iha intensaun negativu, tanba kazu barak neebe deteta ona.

“Trafiku humanu lao hela ita nia rai, maibe informasaun nee mak difisil hetan, tanba ema tauk hato’o informasaun no sira sente ameasa vida,” hatete nia.

Tanba kazu migrante internal, joven barak desloka husi munisipiu orijin mai serivsu iha Dili hetan explorasaun, servisu la hetan pagamentu no seluk tan.

Nia tenik, kazu migrante external kompana balun rekruta Timoroan ba servisu iha rai liur, maibe ikus mai servisu la tuir prormesa neebe halo no laiha kontratu, nunee mos iha kazu ema estranjeiru neebe rekruta mai servisu iha rai laran.

Entretantu, Xefe Departamentu Investigasaun Kriminal Servisu Imigrasaun, Primeru Sarjentu Alfredo Abel hatete, krime trafiku humanu nee krime organizadu, neebe difisil atu deteta, tanba nee sosiedade kuidadu ho oferta oportunidade servisu sira, liu-liu iha rai liur.

Nia dehan, kondisaun ekonomia no menus konesimentu halo ema barak ona sai vitima ba trafiku humanu hanesan iha 2018, kompana ida servisu hamutuk ho Timoroan balun rekruta feto Timor nain 32 atu ba servisu iha Xina, no too iha neeba servisu neebe sira halao la tuir kontratu no lahetan salariu, tanba nee iha fulan Dezembru tinan 2018, governu Xina deporta sira fila mai.*

(Jen)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...