Tribunal Absolve Problema Rai Entre Aman Ho Oan

DILI – Tribunal Distrital Dili (TDD) absolve kaju markasaun ba krime alterasaun, tamba arguidu Cipriano Gusmao nuudar aman no lezadu Mateus Soares nuudaar oan perdua malu iha Tribunal nia oin no husu atu halo tuir markasaun husi terras no propriedades ba problema rai.

Liu husi akuzasaun husi Ministeriu Publiku, neebe mak lee sai husi tribunal katak iha loron 16/06/2016, iha horas mais ou menus 08h00 dader, ba hare nia rai neebe mak lokaliza iha aldeia soromutu ba dame, suku Culuhun, Postu admistrativu Cristo Rei.

Bainhira lezadu Mateus Soares too iha fatin hare katak estaka ou markasaun neebe iha baliza sobu tiha. Ho nunee, lezadu hirus arguidu nia kaben telefone ba arguidu too fatin hodi sira diskuti malu. Lezadu hatoo ona kaju refere ba autoridade local maibe la resolve too agora. Kaju nee ho prosesu nuc nu 0231/16.PDDIL.

Arguidu halo nia hahalok nee ho libre no konsientemente, tamba nia rasik hakarak no hatene, tamba hasai no muda markasaun ka baliza iha ema nia rai hanesan nee krime no lei rai bandu.

Ho nunee, arguidu arguidu Cipriano Gusmao hanesan autor ba markasaun ba krime alterasaun ba marka neebe previstu no punidu iha artigu 262 n1, kodigu penal.

Hatan ba akuzasaun, arguidu Cipriano Gusmao katak faktus nee los hotu maibe nuudar oan hateten katak lezadu nuudar aman la konsidera arguidu nuudar oan tamba kuinhadu husi kotuk sobornu lezadu nuudar aman ho $ 150 dollares Americano. Kona ba estatus rai nee lezadu faan iha tempu Indonesia ho osan 200 rupiah atu kuinhadu sira hela.

Hafoin rona tiha deklarasaun husi arguidu, tribunal submete kedas iha alegasaun final hodi rona akuzasaun husi MP. Ba kaju nee ba MP la iha problema no la iha buat maibe husu no intrega ba tribunal deit. Husi parte defesa katak tamba problema rua entre oan no aman no resolve ona, tamba nee husu ba tribunal atu absolve tiha kaju nee. Informasaun kompletu iha STL jornal no STL Web, edisaun Tersa (31/1/2017). Domingos Piedade Freitas

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...