Tribunál Adia Julgamentu Ba 22

DILI – Tribunal Distritál Dili (TDD) adia hikas fila fali ba loron 22 Marsu tinan 2017 tanba lezadu ho testamuña la marka prezensa iha audensia julgamentu.

Iha Sala audensia juis kaer prosesu Francisca Cabral hatete, Tribunal la bele halao julgamentu bainhira lezadu la marka prezensa iha julgamentu tanba Tribunal notifika maibe lezadu sira la mai.

Tuir akuzasaun husi Ministériu Publiku neebe Tribunal lee sai katak iha loron 26 fulan Abril 2014, Tasi tolu lezadu ho inisial JS ho EX lao husi arguidu JA, AC no RM neebe mak hemu tua hela. Tamba nee, arguidu nain tolu nee hase lezadu atu fo hemu no fo lanu maibe arguidu nain tolu lakohi hemu. Tamba lakohi hemu tua arguidu nain tolu hamrik hodi baku lesuk lezadu hodi tuku, baku ho besi kanu.

Ho agresaun fizika nee halo lezadu nain rua tenke desmaia iha fatin kedas. No, arguidu nain tolu mos tenta atu soe lezada ba iha tasi laran maibe ema seluk hakilar arguidu no arguidu sira husik hela lezadu sira.  Ho arguidu nain tolu nia hahalo Ministeriu Publiku akuza ba iha arguidu hodi komete krime iha artigu 138, omisidiu simples ho moldura penal tinan 8 too tinan 20.

Relasiona ho faktus nee arguidu nain tolu hodi hili nonok no lakohi fo komentariu tamba lei mos fo dalan ba arguidu sira uza atu direitu nonok no koalia.

Tamba lezadu no sasin la marka prezensa Tribunal husu ba ofisial justisa haruka karta notifikasaun hodi bele tuir fila fali julgamentu neebe adia ba iha loron 22 Marsu 2017 16:00 lokraik hodi rona deklarasaun lezadu no testemuna sira.

Maibe, Ministeriu Publiku la konkorda tanba lei la fo dalan Tribunal atu husu multa ba lezadu ho testamuna, Defensor Publiku mos konkorda ho desizaun husi MP atu halo rekore ba desizaun selu multa nee rasik. Domingos Piedade Freitas

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...