Tribunal Kontinua Julga Komandante PNTL 4

DILI – Tribunal Distrital Dili (TDD), Kuarta (9/02/2017) halao julgamentu ba oknum komandante Polisia Nasional Timor Leste (PNTL) nain 4 hanesan, Felner Benjamin Carmo Bucar Corte Real hanesan komandante pelataun UEP Damiao da Silva Correia atual komandante PNTL municipiu Aileu, Afonso do Santos hanesan komandante Unidade Espesial Polisia (UEP), Eduardo Pereira hanesan Xefi sesaun finansas UEP, tanba diskunfia faan tiha coube house UEP nian, maibe osan nee arguidu sira tau tiha ba bolsu.

Tuir akuzasaun husi Ministeriu Publiku (MP) neebe le sai husi juis presidenti Maria Fransisca Cabral katak, iha tinan 2013 arguidu Afonso do Santos hanesan komandante UEP, arguidu Damiao nudar segundu komandante UEP, arguidu Felner nudar komandante peletaun apoiu UEP, arguidu Eduardo nudar xhefi seksaun finansas UEP nian no Fernando Encarnacao nudar diretor kompania Cardel neebe mak hola coube house.

Iha Agostu 2013 kampaun UIR nian iha Fatuhada tenki hamamuk ona tenki muda ba kampaun foun Bairro-Pite Dili, tanba fatin refere sei uja ba F-FDTL, tanba nee sasan sira neebe mak tau iha kampaun UIR nian tenki mos muda hotu ba kampaun UEP nina iha Bairro Pite. Sasan sira nee hanesan jerador boot ho kiik inklui mos coube house hamutuk 1, 16 modelu uma no 2 moldeu haris fatin no ida seluk moldeu sintina.

Sasan sira neebe mak temi iha leten nee muda ona ba kampaun foun Bairro-Pite maibe coube house hamutuk 19 nee arguidu Afonso, Damiao ho Felner deside atu faan tiha, tanba ne’e arguidu sira haruka nia membru Rogerio Amaral buka ema atu sosa tiha coube house nee, Rogerio Amaral nudar membru kumpri deit ordem husi nia komandante sira, tanba nee mak Rogerio ba fo hatene arguidu Fernando nudar diretor kompania Cardel neebe sira ativu hamutuk iha boxing Benfica, katak UEP atu faan coube house hamutuk 19 UIR nian iha Fatuhada, bainhira rona informasaun nee arguidu Feranando ba kedas kampaun UIR Fatuhada.

Hatan ba deklarasaun nee, Felner Benjamin Carmo Corte Real nuudar Komandante Peletaun Apoiu UEP katak akuzasaun nee balun los no balun la los. Akuzasaun neebe la los mak kona ba cobee House neebe mak entrega ba senor Fernando Marvel Agosto Sequeria Encarnacao nuudar kompania nain tamba hetan despaisu husi segundu komandante UEP nian mak arguidu Damiao da Silva Correia. Molok nee kona ba cobbe house hatoo despaisu ba komandante jeral maibe komandante jeral la fo resposta. Domingos Piedade Freitas

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...