Tuku Fen, Tama Prizaun

Tribunal Distrital de Dili (Dok: STL)

DILI, STLNEWS.co – Ministeriu Publiku liu husi alegasaun final ba krime violensia domestika ho forma ofensa integridade fisika simples, solisita ba Tribunal singular, atu aplika pena prizaun fulan neen, suspende tinan ida ba arguidu AD, tanba tuku ninia fen ho inisial AA.

Iha alegasaun nee, Ministeriu Publiku neebe nain ba prosesu nee hare katak, faktus neebe konta iha akuzasaun provadus duni, hanesan arguidu ho inisial AD hanesan laen neebe halo agresaun ba lezada ho inisial AA hanesan fen.

Ministeriu Publiku mos konsidera faktus neebe provadus hanesan, arguidu tuku dala ida ba iha lezada nia isin no basa dala ida ba iha lezada nia hasan.

Hare ba arguidu nia hahalok sira nee hotu, Ministeriu Publiku mantein ho nia akuzasaun, haree mos ba krime nee rejista makaas iha ministeriu publiku, atu evita iha futuru arguidu labele halo tan hahalok nee.

Tanba nee Ministeriu Publiku iha nia alegasaun final, solisita ba Tribunal Singular atu aplika pena prizaun fulan neen, suspende ba tinan ida.

Enkuantu alegasaun husi parte defeza arguidu nian solisita ba Tribunal atu aplika pena multa ba arguidu, tanba defeza nia haree katak arguidu baku lezada, tanba deit lezada ba koalia ho vizinu sira hodi kompara ema seluk nia moris.

Defeza deklara, arguidu arepende ona ba nia hahalok no promete sei la halo tan iha futuru, no arguidu maka sai hanesan ema neebe buka osan hodi sustenta familia uma laran nia moris.

Ho nunee iha alegasaun ikus, defeza husi arguidu nian la aseita ho pena suspensaun husi Ministeriu Publiku no husu ba iha Tribunal singular atu aplika deit pena multa ba iha arguidu, tanba nia servisu hanesan mekaniku fulan ida bele hetan dolar atus rua.

Rona tiha husi parte rua Ministeriu Publiku no Defeza, Tribunal deside adia fali kazu nee ba loron 8 fulan Outubru oras tuku 5:00 hodi rona desizaun ikus.

Antes nee, iha sala julgamentu laran, arguidu deklara katak faktus neebe iha akuzasaun nia laran, iha balu loos no balu lalos.

Arguidu deklara katak, faktus neebe loos maka lori liman basa dala ida, no tuku dala ida.

“Hau baku lezada tanba koalia la rona malu, hau basa dala ida no tuku dala ida, kona ba lori martelu baku nee lalos ida, deklara arguidu iha sala julgamentu.

Hatutan pajina 2

LEAVE A REPLY

Please enter your comment!
Please enter your name here