UPF Kaptura Sidadaun Indonezia 1 Tenta Tama Ilegal

DILI, STLNEWS.co – Komando Polisia Nasional Timor Leste (PNTL) liu husi Unidade Patrollamentu Fronteira (UPF) Compana Charlie, ekipa apoiu Komando PNTL Rejiaun Administrativa Espesial Oecusse Ambeno (RAEOA), no Ofisial Polisia Suku (OPS) sira, kaptura tan sidadaun Indonezia nain 1 neebe tama liu husi dalan ilegal Mahata mai teritoriu Timor Leste iha area entre Kiuana no Nitibe-Oeltam.

“Horikalan OPS hosi Suku UisTaco kaptura sidadaun Indonezia mane nain 1 ho naran inisial ET, idade 37, husi Suku Naikake, Kefamenanu, Aldeia RT 1 Dusun Tali, neebe tama ilegal ho objetivu atu halo transaksaun ilegal ba sasan kultural Timor nian,” informa Komandante UPF Superintendente Polisia Euclides Belo, liu husi telefone, Segunda nee (13/09/2021).

Nia dehan, agora dadaun PNTL halo ona medida hodi prosesa tuir prosedimentu legal, no evakua ona sidadaun hamutuk ho ekipa prevensaun Covid-19, hodi kumpre protokolu saude nian halo teste restreiu.

Euclides hateten, nia parte hato’o agradese wain ba sidadaun Timoroan hotu – hotu neebe hela iha fronteira ba kooperasaun diak nafatin ho PNTL, hodi kontribui ba seguransa publika, maibe nia husu nafatin karik deskonfia ema foun ruma informa kedas ba OPS neebe besik liu, nunee bele halo prevensaun hodi garante lina fronteira sai fatin seguru ba ema hotu.*

Reportajen: Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: