UPF Kaptura Tan Sidadaun CJ Ho Kilat Anin Lolon 1

COVALIMA, STLNEWS.co – Hafoin Tentara Nasional Indonesia (TNI) asegura kilat lolon atus ida (100) iha area fronteira entre Timor Leste no Indonezia, Komando Polisia Nasional Timor Leste (PNTL) liu husi Unidade Patrollamentu Fronteira (UPF) Postu Foholulik, intensifika nia area kobertura hodi halo patrolla lao ain no konsege kaptura sidadaun nain ida (1) ho naran inisial CJ husi Aldeia Foholulik, Suku Beiseuk, Postu Administrativu Tilomar, Munisipiu Covalima.

Komandante UPF Superintendente Euclides Belo deklara, sidadaun nee UPF kaptura liu husi operasaun rutina iha fronteira terestre Timor Leste ho Indonezia.

“Iha oras tuku 17:00 loraik nee ita asegura sidadaun inisial CJ no prende mos kilat anin lolon ida (1) ho marka AESE 92 hamutuk ho nia nain iha area Postu Administrativu Tilomar, tanba sidadaun nee kontra ona lei numeru 5/2017 konaba arma branka nian,” dehan Euclides Belo ba SRP liu husi telefone neebe mak STL asesu iha Domingu kalan (05/09/2021).

Nia relata, nia membru sira halo ona identifikasaun, no entrega ona sidadaun nee ho objetu neebe UPF prende ba Komandu PNTL Munisipiu Covalima hodi halo prosesu investigasaun hodi prosesa tuir lei.

“Ohin madrugada tuku 06:00 dader nee mos ami halo aprensaun ba sidadaun feto ida ho naran inisial SR ho motorizada tula mos nia oan sei kiik, tanba lori tabaku sek bantal hamutuk sia (9),” dehan nia.

Euclides hatutan, horiseik to’o ohin loron UPF kompania Bravo Covalima servisu koletivu halo nafatin patrolla kalan no loron hodi kontrola liña fronteira, liu – liu haree ba sidadaun sira neebe tama ilegal inklui sira neebe halo transaksaun ilegal.*

Reportajen: Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: