UPF Kaptura Tan Sidadaun Ilegal 1

DILI, STLNEWS.co – Komandante Unidade Patrullamentu Fronteira (UPF), Superintendente Polisia Euclides Belo hatete, membru servisu sekreta UPF nian kaptura tan sidadaun nain ida (1), tanba tama hikas mai teritoriu nasional liu husi dalan ilegal iha fronteira entre Indonezia ho Timor Leste.

“Foin dadaun tuku 19:00 kalan nee, servisu sekreta UPF halo vizilansia iha area mota laran area Batugade konsege halo kapturasaun ba ema nian ida (1) ho inisial FdC husi Halin Sana-Batugade neebe tama mai husi Atambua,” informa Komandante Euclides liu husi telefone, Segunda nee (06/09/2021).

Euclides relata, tuir dadus neebe rekolla sidadaun nee ho idade 23, moris no sarani iha Indonezia no durante nee Xefe Aldeia mak hakiak iha Batugade no seidauk iha kartaun eleitoral, maibe rejista iha visa familia. 

“Sidadaun nee tama ilegal ba Atambua iha fulan Setembru 2020 tinan kotuk ba. Hafoin nia fila mai ita nia membru sekreta UPF kaptura nia iha area mota laran. Agora daudaun ita halo hotu ona identifikasaun no entrega ona ba parte saude ekipa Covid-19 hodi kumpri kuarentena durante loron 14 nia laran,” tenik nia.

Komandante UPF nee relata, oras nee nia membru sira intensifika vizilansia makaas iha area fronteira, tanba Timoroan balu hakarak buka maneira tama mai teritoriu nasional liu husi dalan ilegal, neebe bele fo perigu ba saude publika ligadu ho Covid-19 inklui variante Delta.*

Reportajen: Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: