UPF Kaptura Timoroan 27

Porta-Voz Polisia Nasional Timor Leste (PNTL), Superentendente Xefe Arnaldo Araujo. (Foto: STL/Claudios de Jesus)

DILI, STLNEWS.co – Durante Estadu Emerjensia da-7, Unidade Polisia Fronteira hamutuk ho FFDTL, no mos Corpo Operasaun Especial (COE), halao operasaun iha area Fronteira konsege kaptura Timoroan 27 ho Indonezia nain 13.

Komandante Unidade Polisia Fronteira (UPF), Superentendente Joao Sancho Pires hatete, depois kaptura UPF entrega sira ba karantina, sidadaun Indonezia mos entrega ba iha karantina, depois iha loron Kuarta haruka sira fila hikas ba Indonezia.

Nia hatutan, durante nee halo operasaun (check point) halao ba iha postu hamutuk 30 tantu aumenta tan postu provizoriu 8.

“Koloka efetivu Unidade Polisia Fronteira nian hamutuk ho F-FDTL no mos Corpo Operasaun Especial (COE), halao operasaun nee hamutuk,” dehan nia foin lalais nee.

Joao afirma Iha Operasaun nee ekipa mos konsege Kaptura ema neebe halo transisaun sasan (fugetes) barak, ho kuantidade 8 sutt no ema nain rua nee oras nee iha ona karantina.

Iha Estadu Emerjensia nia laran, ekipa konsege prende sasan lubuk Ida, hanesan fugetes, mina rai neebe tula ho roh, ekipa mos prende mos obralan husi Timor lori ba Indonezia no tua DS.

Komandante nee hateten, sasan neebe mak ekipa prende nee oras nee iha hela quartel no balun intrega ona ba Komandu Munisipiu hodi halo prosesu tuir lei.

“Total mina rai neebe tula ho ro nee 1200 Litru, nee tula ho ro, no ema nain rua konsege halai fila, no ema nee ita kaptura horibain rua kalan, (domingu kalan) depois sasan nee hatun hotu, ema sira neebe ita diskonfia ita kaptura no agora iha hela quartel, hodi halo investigasaun, depois sei intrega ba komandu munisipiu hodi halo prosesa,” dehan Komandante nee.

Iha parte ketak Porta-Voz Polisia Nasional Timor Leste (PNTL), Superentendente Xefe Arnaldo Araujo husu atu inan aman sira i bele tau atensaun ba sira nia oan, hodi labele sunu paison.

“Ita hatene katak paison nee bele estraga ema seluk, tanba dala barak ita rona ema sunu paison nee tarutu bele halo ema hakfodak no balu bele mate,” dehan Arnaldo.*

Reportajen: Claudios de Jesus
Editora: Carme Ximenes

LEAVE A REPLY

Please enter your comment!
Please enter your name here