Video Konferensia La Dun Efetivu, Kazu Eis Padre Adia

DILI, STLNEWS.co – Ohin loron, juiz kolektivu adia kazu eis padre RD, tanba julgamentu neebe halao liu husi video konferensia la dun efetivu.

“Adia ba dia 5 Jullu, tanba julgamentu refere liu husi video konferensia nee la dun efetivu, tanba jaringan internet kotu kotu ho razaun ida nee maka defeza hatoo pedidu ba tribunal, tribunal halo deliberasaun no aseita ho pedidu neebe defeza hatoo ba, hodi adia hikas julgamentu nee,” dehan defeza arguidu nian Miguel Acasio Farria ba STL, iha Tribunal Rekursu, Kinta (10/06/2021).

Nia hatutan, desizaun tribunal nian antes dia 5 arguidu no defeza tenke marka ona prezensa iha Oecusse, no kumpri mos regra serka sanitaria no konfinamentu obrigatoriu husi autoridade RAEOA nia desizaun konaba regra atu prevene Covid-19.

Nunee advogadu nee afirma, loron neebe tribunal deside fiksu ona, tanba nee hanesan defeza iha responsabilidade boot atu too ba iha Oecusse, tanba nee sei koordena atu autoridade RAEOA aprova sira nia pedidu atu bele tama iha neeba.

Hatan konaba julgamentu, horiseik too mai ohin loron, adia nee rona vitima hira ona, nia hateten sei la fo komentariu konaba ida nee, tanba prosesu lao hela. Prosesu nee lori ba iha tribunal, rejistu ho nuc 0022/19.PGGCC.

Antes nee iha ona loron Kuarta (09/06/2021), julgamentu halao liu husi video konferensia maibe mosu failansu uitoan, nunee iha loron Kinta nee (10/06/2021), tribunal deside adia prosesu nee.

Nunee, antes nee prosesu nee produs ona prova, komu liu ona loron 30 nia prova lakon ona, entaun produs fali prova foun.

Video konferensia neebe halao, arguidu eis padre hamutuk ho nia defeza iha Dili, no juiz kolektivu ho prokurador iha Oecusse.

Audensia julgamentu nee prezide husi juiz kolektivu Evanjelino Belo, Yudi Pamungkas, Hugo da Cruz Pui, Ministeriu Publiku reprezenta husi prokurador Matias Soares, arguidu hetan asistensial legal husi advogadu privadu Miguel Acasio Faria.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: