Xineza Baku Timor Ona Haruka Fila Ba Nia Rai

DILI – Publika kestiona makas konaba atetudi Xineza nain 6 neebe maka baku lisuk Timor oan nain ida iha Audian foin lalais nee, tanba tuir sira katak, baku nee krimi, tanba nee Governu presiza foti medidas imidiata hodi haruk Xineza hirak nee ba sira nia rai.

Hafoin domina aktividade negosiu iha rai laran, Xineza bandidu sira komesa brani ona tula liman ba Timor oan sira, tanba nee Governu presiza hare kestaun ida nee halo didiak. Tanba durante nee Governu maka fo dala ba ema estranjeiru liu liu Xineza sira tama mai halo aktividade negosiu saida deit, inklui sai sofer, pineira rai henek, kahur masa, hada blok no seluk seluk neebe maka ema Timor sira mos bele halo servisu ida nee.

Xineza bandidu sira nee brani baku Timor oan, tanba deskonfia sira hetan beck up husi oknum membru Polisia Nasional Timor leste. Se bainhira Timor oan sira husik hahalok sira hanesan nee akontese bebeik maka aban bainrua, Timor oan sira sei sai budak ba Xineza bandidu hirak nee.

Tuir observador politik Jose da Silva katak, Xineza badiu neebe maka buka moris iha Timor, depois baku fali Timor oan, nee diak liu Governu haruka fila ona ba nia, para hamus problema.

Xineza neebe maka mai buka moris iha Timor nee maka, tula liman fali ba Timor oan nee, diak liu Governu haruka ona fila ba nia rai, atu nunee labele mosu tan problema neebe maka ita hotu laespera ,” hateten Jose ba STL, iha UNTL, Dili, Kinta (23/02/2017).

Nia dehan, Governu labele importa bebeik ema estranjeiru liu liu Xineza sira nee mai barak iha rai laran, tanba ho prezensa sira nian neebe maka kada loron loron aumenta ba bebeik bele kria inestabilidade iha rai laran.

Iha parte ketak membru PN husi bankada CNRT Deputadu Cesar Valente, presiza investigasaun tanba saida maka Xina bele tula liman ba Timor oan sira tanba, provlema xina baku Timor oan nee laos foin maka akontese maibe, bebeik tiha ona tan nee presiza investigasaun ho nunee bele prosesa tuir Lei neebe maka iha. Carme Ximenes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...