AAB Hetan Tebe Iha Kabun & Kotuk

DILI, STLNEWS.co – Lezadu inisial AAB lori arguidu inisial ZDM too iha tribunal, tanba hetan agresaun husi arguidu.

Motivu husi problema nee tanba osan, no agresaun neebe arguidu halo mak hasai lia fuan mal, nomos lori ain tebe iha lezadu nia kabun no kotuk.

Liu husi audensia julgamentu Segunda nee (12/06/2023), Juiz prosesu Ersilia de Jesus katak, tuir lei krimi sira neebe ho nia natureza semi publiku lei fo dalan atu bele dada fila, maibe liu husi tentativa konsiliasaun.

Iha sala julgamentu laran, lezadu nebee hanesan vitima ba iha prosesu deklara katak, nia aseita atu dada fila krimi nee, maibe husu ba arguidu atu labele halo tan hahalok nee iha futuru, ka fo hatene ba ema seluk hodi halo tauk lezadu.

“Hau hakarak dada fila, maibe tenki ho akordu ida,” dehan lezadu.

Rona ida nee arguidu katak, nia arepende tebes ba nia hahalok nee, no promete ho fuan sei la halo tan hahalok nee iha futuru.

Rona tiha parte rua nia deklarasaun, juiz prosesu mos fo advertensia ba arguidu, atu labele halo tan hahalok nee iha futuru.

Arguidu hamrik kedan iha lezadu nia oin, hodi husu deskulpa ba lezadu no promete sei la halo tan hahalok nee.

(ter)

LEAVE A REPLY

Please enter your comment!
Please enter your name here