DILI, STLNEW.co – Iha ferias judisiariu husi fulan Agostu to’o mai Setembru nee, tribunal halao julgamentu ba kazu urjensia hamutuk sanulu resin ualu (18).
“Iha fulan Agostu julga kazu urjensia sanulu resin neen (16) no iha fulan Setembru foin julga tan Kazu rua, hamutuk kazu sanulu resin ualu (18),” dehan Juiz Administrador Tribunal Distrital Dili (TDD), Afonso Carmona ba STL iha TDD, Segunda nee (06/09/2021).
Nia hatutan, kazu neebe iha fulan Agostu sumariu lima (5), no primeiru interogatoriu sanulu resin ida (11). Iha fulan Setembru primeiru interogatoriu ida (1), no sumariu ida (1).
Nia esplika tan, juiz sira neebe atende kazu urjente mai nafatin ho juiz turnu tuir orariu neebe fahe ona.
Nunee kazu sira neebe tribunal julga ona, medida neebe aplika juiz turnu mak sei deside.
Tuir observasaun STL nian katak, kazu neebe julga ona, medida neebe tribunal aplika, aprezentasaun periodika, prizaun preventiva, no proibisaun atu sai (Proibição de ausência).*
Reportajen: Terezinha De Deus
Editor: Ekipa STL
