DILI – Arguidu JP amante (Domin subar) ho ho feto seluk, arguida SZ foti aidona neebe mak baku ho pregu baku iha arguidu nia ulun no tuda iha fatuk hodi rejulta kanek.
Tuir akuzasaun husi Ministeriu Publiku neebe mak tribunal lee sai iha audensia julgamenentu katak, arguida SP ho lezadu JB moris hamutuk nuudar fen ho laen. No, oras nee dadaun iha ona nain haat.
Iha loron, 26 fulan fevreiru tinan 2015 oras tuku, 09:00 Otl kalan, iha Lahane Oriental lezadu JP lori motorizida ba iha kolega nia uma. Maibe, antes nee arguida SP hein tiha ona iha dalan, wainhira lezadu too ho motor arguida ai neebe mak baku pregu baku iha lezadu nia ulun ho kapasete. Kuandu lezadu hasai tiha helem arguida baku iha lezadu nia ulun dala tolu hodi rezulta kanek.
No, arguida mos tuda iha lezadu nia ain ho fatuk. Ho akontesimentu lezadu ba halo tratamentu iha ospital HNGV hodi baisa loron ida no deskansa iha uma durante sema ida nia laran hodi la ba serbisu fatin iha HNGV hanesan infermeiru.
Hatan ba akuzasaun nee arguida deklara katak faktus nee los hotu. Momentu neeba lezada rasik tuda arguidu tanba lezada gravida hela no halo ona fulan 8 atu hein deit bebe moris.
Hau rasik baku lezadu tamba amante fali ho feto seluk neebe mak durante nee hau mos deskonfia, maibe ikus mai hau nia alin feto nuudar akolita kuandu fila husi Balide mak hetan no fo hatene hau katak o nia laen tula feto ida ho motor. Ho razaun nee, hau ba kedas iha Lahane Ocidental hodi buka no konsege no baku duni lezadu ho aidona neebe mak pregu ho ai baku iha ulun no tuda fatuk iha lezadu nia ain,”dehan SP, iha TDD, Sesta (10/03/2017).
Nia hatutan, tamba nee ho nervozu ho kondisaun neebe mak grave ba kedas iha Lahane Ocidental hodi buka lezadu nia paradeiru. Tamba durante nee lezadu rasik la fo osan ba lezadu hodi sosa oan ninia nesesidade.
Ho razaun hirak nee mak baku ho ai neebe mak pregu hodi baku iha lezadu nia ulun. No, oras nee dadaun moris hamutuk hanesan fen ho laen no la iha problema entre ami tamba rezolve ona tuir kultura Timor nian. Domingos Piedade Freitas
