Ambulansia Too Tarde Bebe Mate, PDHJ Sei Halo Monitorizasaun

DILI, STLNEWS.co – Relasiona ho akontesimentu neebe akontese iha Munisipiu Bobonaro katak, bebe ida mate iha dalan tanba ambulansia too tarde, Provedor konsidera ida nee sai hanesan preokupasaun ida, sira nia parte sei tun hodi halo monitorizasaun.

“Provedor seidauk hetan keixa, maibe ho informasaun sira nee ami mos bele halo monitorizasaun ba ida nee, ida nee preokupasaun neebe mosu ona,” dehan Provedor Virgilio da Silva Guterres ba jornalista sira iha Kaikoli, Tersa (06/02/2024).

Nia hatete, bainhira hahu akompanha kazu iha Ministeriu Saude nian iha akontesimentu katak, ambulansia ba tarde pelu menus ida neebe nia hatene ona mak kazu iha Baukau, sidadaun ida tenki lakon vida, tanba hetan atake ambulansia ba tarde.

Provedor dehan, ida nee sai preokupasaun boot ida, liu-liu ba labarik sira sei tau matan no parte fiskalizasaun sei tun atu rekolha dadaus.

Nia esplika, prezensa tarde husi ambulansia sei iha fator seluk neebe forsa maior dalan kotu udan tau, buat seluk mak halo laiha buat ida, maibe kestaun administrativu ida nee entidade publiku no ministeriu tenki hatoo esplikasaun klaru, no responsabiliza ba publiku.

Provedor hein katak, asuntu ba kontratadu motorista ambulansia nian bele rezolve ona, atu motorista sira prontu iha fatin fasilita movimentasaun ambulansia nian, kestaun ambulansia Provedor konsidera hanesan prekupasaun ida, neebe provedor tau iha nia lista atu akompanha.

(ter)

LEAVE A REPLY

Please enter your comment!
Please enter your name here