Arguidu La Kompletu TDD Adia Julgamentu

DILI-Tribunal Distrital Dili (TDD) adia hikas kazu Abuzu Konfiansa Agravadu neebe deskonfia komete husi arguidu Jaime Menezes no Hermegildo dos Santos ba iha fulan Janeiru, tanba arguidu la kompletu.

Liu husi audensia julgamentu tribunal hatete, tribunal labele halao julgamentu ba kazu Abuzu Konfiansa Agravadu neebe rezistu ho numeru prosesu 0095/15.PGGCC  arguidu Hermegildo la marka audensia. Tanba nee tribunal adia hikas audensia nee ba iha loron (16/01/2017).

Iha biban nee parte Ministeriu Publiku mos konkorda atu suspende julgamentu nee ba fali loron seluk, tanba autor neebe hetan akuzasaun husi MP la kompletu. Tanba nee tribunal tenke notifika fali arguidu nee hodi bele marka audensia ba loron neebe mak determina ona.

Entretantu parte defesa mos konkorda atu suspende hikas audensia nee, maske kazu nee importante tebes atu julga lalais. Maibe tanba arguidu la kompletu tribunal labele halao julgamentu.

Tuir akuzasaun katak, iha loron (3/12/2015) arguidu nain rua nudar fungsionariu kontratadu iha Trade Invest, depois kontratu remata sira lakohi entrega fali sasan estadu nian hanesan motor. Ho arguidu sira nia hahalok nee MInisteriu Publiku akuza ho krime Abuzu Konfiansa Agravadu. Informasaun kompletu iha STL Jornal no STL Web, edisaun Tersa (4/10/2016). Domingas Gomes

LEAVE A REPLY

Please enter your comment!
Please enter your name here