Dadur Nain 99 Iha Prizaun Suai

DILI, STLNEWS.co – Oras nee daudaun estabelesimentu prizaun Suai tau dadur hamutuk 99, neebe ho nia bloku tolu.

“Oras nee daudaun prizaun Suai iha kondenadu hamutuk nain 99, husi numeru neebe iha prizaun kondenadu 88 no prizaun preventiva 11,” dehan Diretor Prizaun Suai, Julio Dias Ximenes ba STL liu husi telefone, Kinta (22/06/2023).

Tuir Julio, kondenadu sira neebe iha prizaun laran, balu idade sei joven no balu ho idade boot, hanesan katuas ona, sira nee mai ho krimi neebe la hanesan.

Nunee kondenadu sira neebe hetan ona kastigu, komesa husi tinan sanulu resin ba leten mak barak, iha mos balu hetan kastigu tinan rua nulu resin, tuir desizaun neebe tribunal foti.

Diretor nee esplika, iha prizaun laran fahe ba bloku tolu no sira mos hari fatin kiik ida ba tein nian, no iha bloku A dadur hamutuk 24, bloku B dadur hamutuk 29, bloku C dadur hamutuk 33, no bloku kiik ba fatin kozinha nian hamutuk 13.

(ter)

LEAVE A REPLY

Please enter your comment!
Please enter your name here