DILI, STLNEWS.co – Defensor Publiku halo atendimentu kazu krimi iha Juridisaun Teritorial Defensoria Publika Munisipiu Dili, Baukau, Kovalima no RAEOA, kazu krimi rejistadu ba iha trimester primeiru hamutuk 1.593 no kazu sivil 447.
Tuir Defensor Publiku Jeral Cansio Xavier katak, defensor sira fo atendimentu ba kazu sira neebe rejistu iha defensor ba iha trimester primeiru nomos segundu.
“Atendimentu kazu krimi iha Juridisaun Teritorial Defensoria Publika Munisipiu Dili, Baukau, Covalima no RAEOA, kazu krimi rejistadu ba iha primeiru trimester hamutuk 997, ba iha segundu trimester hamutuk 326 no sura hamutuk 1.593,” dehan nia ba STL iha Kaikoli, Tersa (29/08/2023).
Nia hatete, atendimentu kazu Sivil Juridisaun Teritorial Defensoria Publika Munisipiu Dili, Baukau, Covalima, RAEOA, rejistadu ba primeiru semester 246 no segundu semester 201, hamutuk 447.
Nia esplika, husi prosesu neebe iha hatudu katak, durante nee defensor rejista kazu husi sivil no krimi nian hamutuk 2.040.
Tuir defensor nee katak, sira mos akompanha fo atendimentu iha julgamentu movel sira, iha Juridisaun Teritorial Defensoria Publika Munisipiu Dili, Baukau, Kovalima, RAEOA primeiru Trimester hamutuk 62, segundu trimester hamutuk 127.
Nia reforsa tan, sira nia parte mos fo atendementu ba kazu Violensia Domestika Juridisaun Teritorial Defensoria Publika Munisipiu Dili, Baukau, Kovalima, RAEOA kazu krime rejistadu primeriu trimester 94, segundu trimester 124, hamutuk 218.
Iha fatin ketak, Akdemiku UNTL, Rafel de Jesus dehan, defensor sira tenki atende kliente sira ho diak, tanba sai hanesan servidor ba ema kbiit laek sira.
“Prosesu rejista makaas iha defensor, tanba ema neebe hasoru problema tau fiar ba iha defensor sira, tanba nee husu defensor sira atu atende sira ho diak,” dehan nia.
Nia hatete, iha parte balu sei duvidas konaba atendimentu defensor sira nian, dala ruma la atende ho masimu, tanba nee husu atu ba oin presiza hadia sistema atendimentu.
(ter)
