DILI, STLNEWS.co – Tribunal halao julgamentu ba krimi violensia domestika barak, maibe desizaun neebe juiz sira foti haree ba provas.
“Krimi violensia domestika desizaun neebe juiz sira foti haree ba deklarasaun husi parte sira no haree mos ba provas hotu,” dehan Juiz Administrador Tribunal Judisial Primera Instansia Dili, Afonso Carmona ba STL iha Dili, Domingu nee (23/04/2023).
Carmona sublinha, desizaun ba iha prosesu sira nee depende ba juiz neebe kaer prosesu nee, balu bele aplika pena multa, balu bele aplika pena suspensaun hanesan xamada ida, atu arguidu bele kontrola aan, nunee prevene nia hahalok nee labele akontese iha futuru.
Iha fatin ketak, Jurista Fernando de Carvalho dehan, desizaun neebe tribunal sira foti tuir lei neebe iha.
“Autoridade judisiariu ida atu foti desizaun ba kualker kazu sira tetu hotu, no desizaun neebe sira foti tuir lei haruka,” dehan Fernando.
Jurista nee husu atu desizaun neebe foti parte sira ka aseita tuir dalan legal, laos kritika, maibe tenki liu husi sira nia defeza hodi halo rekursu.
Maibe se kritika deit, laiha rekursu, sei laiha resposra ruma konaba kritika nee.
(ter)
