DILI, STLNEWS.co – Tribunal Distrital Dili (TDD) iha loron Kuarta nee (27/07/2022) liu husi despaisu ikus, aplika medida proibição de ausência ba arguidu Salamão Domingos Calleza Freitas.
Iha medida refere signifika katak, arguidu labele sai husi Timor ba estranjeiru. Iha prosesu ida nee Ministeriu Publiku promove arguidu ho krimi pasajen moeda neebe previstu iha artigu 308 husi kodigu penal Timor-Leste.
Iha prosesu indentifikasaun, arguidu konfesa ba tribunal katak, osan sira neebe nia foti iha Banco Nacional de Comércio de Timor-Leste (BNCTL) nee nudar nia osan rasik, osan nee nia foti atu hola nesesidade no osan sira nee nia rasik mak lori husi Inglatera mai Timor-Leste.
Iha alegasaun, Prokurador Ricardo Leite, husu tribunal atu aplika medida proibição de ausência ba arguidu, tanba iha indisius katak, arguidu lori osan falsu mai Timor-Leste.
Enkuantu parte Defeza Sergio Gama husu tribunal atu aplika Termu Identidade Rezidensia (TIR) ba nia kliente.
Kontinua ba pajina 2
