Diskute Malu Tan Vascolante, Afonso-Maria Rakut Malu

DILI-Arguidu Afonso Hornai no lezada Maria de Fatima diskute malu too rakut malu tanba arguidu fo sira nia vascolante ba ema aluga durante loron lima.

Liu husi audensia julgamentu tribunal lee sai akuzasaun husi Ministeriu Publiku katak, iha loron (19/03/2016) tuku 17:00 loraik iha Beduku, Tobar lezada husu ba arguidu kona ba sira nia kareta vascolante neebe loron lima ona la para iha uma.

Halo lezada nervozu hodi koalia barak, halo arguidu nervozu hodi foti kapaseti baku dala ida iha lezada nia ulun no kontinua baku tan maibe lezada satan netik. Husi arguidu nia hahalok nee halo lezada senti moras iha nia isin lolon. Ho arguidu nia hahalok nee MP akuza arguidu ho krime violensia domestika.

Hatan ba akuazasaun nee arguidu deklara katak, akuzasaun nee los hotu. Depois problema sira nain rua diak malu kedas. Too agora laiha ona problema entre sira.

Rona tiha deklarasaun husi parte rua nian, tribunal submete kedas ba iha alegasaun final. Nunee Ministeriu publiku husu ba tribunal atu aplika pena multa no parte defesa husu pena neebe adekuadu. Audensia nee adia fali ba loron (14/10) tuku 5:00 loraik. Informasaun kompletu iha STL Jornal no STL Web, edisaun Sesta (7/10/2016). Domingas Gomes

 

LEAVE A REPLY

Please enter your comment!
Please enter your name here