DS Lori Surik Ta ED, MP Konsidera Faktus Provadu

DILI, STLNEWS.co – Ministeriu Publiku (MP) iha loron Kinta nee (21/07/2022) liu husi alegasaun final, husu tribunal atu aplika pena tuir lei ba arguidu ho inisial DS, neebe komete krimi tentativa omesidu hasoru lezada ho inisial ES.

Iha alegasaun nee, Prokurador Hipolito Santa deklara, faktus neebe konsta iha akuzasaun laran provadu bazeia ba arguidu nia deklarasaun, katak momentu neeba lezadu mak book uluk arguidu, tanba nee mak arguidu mos taa lezadu.

Prokurador konsidera faktus provadu mos katak, arguidu taa duni lezadu, tanba suku pontu sanulu resin.

Haree ba faktus sira nee hotu, prokurador haree katak, provadu arguidu komete duni krimi nee, maibe haree ba arguidu nia kondisaun saude ladun diak, arguidu mos familia la iha ona hela ho nia tiu deit atu halo prevensaun, prokurador husu tribunal atu tau arguidu iha fatin internamentu iha prizaun atu halo tratamentu arguidu nia saude, no husu mos tribunal tetu atu aplika pena neebe tuir lei haruka.

Enkuantu, husi parte Defeza Rui Guteres, husu tribunal atu aplika pena neebe justu no desidi tuir lei haruka, haree mos ba arguidu nia kondisaun saude neebe ladun diak.

Rona tiha parte rua, tribunal adia ba loron 21 fulan Setembru hodi rona desizaun.

(ter)

LEAVE A REPLY

Please enter your comment!
Please enter your name here

NEWS UPDATE

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...

Horta Fiar Sei Laiha Intervensaun Politika Iha PNTL

DILI, STLNEWS.co - Prezidente Republika (PR), José Ramos Horta hatete, nia fiar sei laiha intervensaun politika ba iha instituisaun Polisia Nasional Timor Leste (PNTL),...

ISFIT Ofrese Bolsu Estudu Ba Atleta Prestasaun

DILI, STLNEWS.co - Institutu Superior Filosofia i Teolojia (ISFIT), Dom Jaime Goulart, ofrese bolsu estudu ba atleta husi Federasaun Boxing Timor Leste, Delio Mouzinho,...