DTSRN Rejistu Kazu Asidente 187, Mate Nain 10

DILI, STLNEWS.co – Polisia Nasional Timor Leste ( PNTL ) liu husi Departamentu Tranzitu Seguransa Rodoviaria Nasional (DTSRN), rejistu kazu asidente husi munisipiu 14 hamutuk 187, husi asidente nee mate nain 10.

Nia dehan, tuir planu Departementu Tranzitu Seguransa Rodaviara Nasional (DTSRN) hahu loron 1 too 31 Janeiru tinan 2024 rejistu kazu asidente hamutuk ema 187.

“Iha Janeiru hahu dia 1 too 31 nee, ita rejistu kazu asidente hamutuk 187, mate iha nain 10, kanek todan iha 59 no kanek kmaan 238. Ida nee asidente husi munisipiu sira,” hatete Komandante Tranzitu Seguransa Rodaviaria Nasional, Superientendente Asistente Luis da Costa ba jornalista sira iha komando Jeral PNTL Dili, Kinta (08/02/2024).

Nia tenik, husi kazu asidente nee nia rezultadu mak ema nain 4 lakon vida, ida nee husi Munisipiu Dili nian, seluk nee husi munisipiu sira seluk.

“Total kazu neebe mak ita rejistu nee, ita konsege lori ba prosesu ba Ministeriu Publiku no ba Tribunal Distrital Dili hamutuk 12, sei iha prosesu nia laran mak 87, rezolve tuir familia 81,” nia esplika.

Tuir observasaun sira nian katak, husi fator neebe kontribui ba asidente nee, iha fator humanu mak 100%.

(jen)

LEAVE A REPLY

Please enter your comment!
Please enter your name here