Juiz Nain 6 Sei Aranka Ba Portugal

DILI, STLNEWS.co – Iha fulan Janeiru nia laran, juiz nain neen (6) sei aranka ba iha Portugal hodi tuir formasaun komplementar.

Tuir Juiz Administrador Tribunal Distrital Dili, Afonso Carmona dehan, juiz nain neen (6) sei aranka ba Portugal, ida nee atu responde programa anterior, juiz foun tama sempre halo formasaun fulan neen (6) iha Portugal.

“Tinan nee nain neen (6) atu ba tuir formasaun, dehan atu ba iha fulan Janeiru nee,” katak Carmona ba STL, iha TDD, Sabadu (08/01/2022).

Nia hatete, konaba prosesu neebe juiz sira nee kaer, agora dadaun prosesu sei iha sira nia liman, prosesu sira nee sei rekolla hotu no para iha juiz administador nia sala atu distribui fali ba juiz seluk. No bainhira sira fila fali mai, foin maka redistribui fali ba sira.

Serteja juiz nain neen (6) sei ba duni Portugal, tanba nee sira nia jatah, juiz nee mos rona katak, juiz nain neen (6) nee kompostu husi juiz mane rua (2) husi Suai, mane ida (1) husi Baucau, mane ida (1) husi Dili, no signifika iha mos feto rua (2).

Nunee, programa nee Tribunal Rekursu nian liga ho orsamentu, no formasaun nee bolu formasaun komplementar no material jeral.

Tuir observasaun STL nian iha TDD katak, juiz balun neebe tuir informasaun sei ba Portugal, balun loron sei halao hela julgamentu, no balun mos sai hanesan juiz prosesu iha prosesu balun.

Tanba nee, iha sala julgamentu prokurador no defeza balun prekupa ho juiz nain hira neebe sei aranka ba Portugal, tanba prosesu balun sira kaer lao to’o klaran ona.

(ter)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 24 Janeiru: Kazu Pozitivu Nain 1

DILI, STLNEWS.co – Ohin loron 24 fulan Janeiru tinan 2022, hodi Koordenadora Jeral Surtu Covid-19, Ministeriu da Saude, deteta kazu pozitivu nain 1 husi...

MCAE – MTK Atualiza Progresu Investimentu Fibra Optika Ba PM Taur

DILI, STLNEWS.co – Ministru Koordenador Asuntu Ekonomia (MCAE) Joaquim Amaral no Ministru Transporte Komunikasaun Sosial (MTK) Jose Agostinho da Silva, aprezenta progresu investimentu projetu...

MESSK Sei Asina Nota Entendimentu Ho Universidade Privadu, Fasilita Lina Kreditu

DILI, STLNEWS.co – Ministeriu Ensinu Superior Siensia no kultura (MESSK) sei asina nota entendimentu ho Universidade Privadu sira, hodi fasilita lina kreditu. Ministru Ensinu Superior...