DILI, STLNEWS.co – Tribunal Rekursu hasai ona desizaun ba rekursu neebe hatama husi parte defeza husi eis Padre RD nian.
Iha desizaun nee, Tribunal Rekursu mantein nafatin ho desizaun primeira instansia neebe hasai husi Tribunal Distrital Oekusi (TDO), kondena eis padre ho pena prizaun tinan 12.
Tuir defeza eis padre nian, Miguel Acasio Farria katak, Tribunal Rekursu hasai ona desizaun ba rekursu neebe hatama husi parte defeza.
“Ami hatama rekursu husu atu halo re-julgamentu ka absolve, maibe rekursu mantein ho tinan 12,” dehan defeza eis padre nian ba STL liu husi WhatsAap, Sabadu nee (23/07/2022).
Nia hatutan, desizaun nee parte defeza simu iha loron Sesta horiseuk (22/07/2022), tanba nee hanesan defeza sei buka dalan atu halo tan rekursu estraordinaria.
(ter)
