DILI, STLNEWS.co – Konfrontu entre estudantes husi Eskola Sekundariu Jeral (ESJ) 5 de Maio no ESJ 12 de Novembru, neebe akontese iha loron Kinta horiseik (04/08/2022) konsege kaptura estudantes nain sia (9) no Polisia Nasional Timor Leste (PNTL) ida hetan kanek grave.
“Ita laiha faktus serteza, maibe ita rona deit katak tuda malu. Husi tuda malu nee mak ita nian Segundu Komandante Eskuadra Bekora nian, Komandante Operasional kanek laos kmaan, maibe grave. Tanba nee horiseik polisia unidade task forse iha Munisipiu Dili orienta tun hotu mai, konsege kaptura ita nian estudante sira neebe la tama mai iha resintu eskola. Tanba nee horiseik konsege kaptura ita nian estudantes nain 9,” dehan Diretor ESJ no 5 de Maio Bekora, Manuel Verdial, ba jornalista sira iha nia knaar fatin Bekora, Sesta nee (05/08/2022).
Manuel dehan, estudantes sira nee sei submete ba iha prosesu investigasaun, atu nunee bele hatene motivu husi akontesimentu nee, katak estudante sira nee involve aan hotu iha laran ka lae, sira mak lori fatuk tuda malu ho estudantes husi eskola 12 de Novembru ka lae, aktu lo-loos nee eskola ida nee dook husi estrada.
Kontinua ba pajina 2
