Kazu Violensia Domestika, Tribunal Tenki Fo Sansaun Todan

DILI, STLNEWS.co – Kazu violensia domestika oras nee daudaun numeru aas iha tribunal sira, tanba nee atu redus numeru refere, autores judisial sira liu husi desizaun, tenki apika kastigu neebe todan ba iha autor sira.

“Mentalidade ema nian mak halo provoka akontese violensia, menus moral, no iha situasaun balu prejudika sira ikus mai akontese violensia, no kazu sira hanesan nee tribual sira tenki fo sasaun forti, atu ema bele tauk,” dehan Jurista Alexandre Corte Real ba STL iha Tribunal, Kuarta (13/12/2023).

Nia hatutan, akontese violensia nee bele mai husi aspetu oin-oin, aspetu juridiku no mos aspetu kultural, tanba iha Timor nee tuir kultura dehan mane mak numeru primeiru, feto mak numeru segundu, ida nee mos halo dala barak mosu violensia iha familia.

Iha kultura jurdiku no sosiolojiku iha influensia boot, kuandu iha familia ida mak poder boot liu bele mosu diskusaun, too ikus mai bele akontese violensia entre feen no laen.

Jurista nee reforsa, kazu nee kada loron kontinua akontese, tanba nee atu redus numeru nee, tribunal aplika pena todan, ema neebe halo krimi ona senti tauk atu la halo tan, se aplika pena kmaan, mak ema mos fasil kontinua halo.

(ter)

LEAVE A REPLY

Please enter your comment!
Please enter your name here