DILI, STLNEWS.co – Kazu neebe deit mak Tribunal Rekursu hasai ona desizaun, parte sira la aseita, lei fo dalan atu halo tan rekursu estraordinariu.
Tuir Jurista Sergio Dias Quintas katak, kazu neebe desizaun kondenatoriu tranzitu em julgadu ona, parte kondenadu la simu, bele liu husi nia defeza atu halo fali rekursu estraordinariu.
“Kazu krimi neebe kondenadu hetan ona desizaun no Rribunal Rekursu mantein desizaun rekoridu, mak kondenadu bele halo rekursu estraordinariu,” dehan Sergio ba STL, Sabadu nee (23/07/2022).
Nia hatutan, iha rekursu estraordinariu iha oin rua, atu halo revizaun no atu fiksa jurisprudensia, previstu iha artigu 314 kodigu prosesu penal.
(ter)
