Kondisaun Lanu, Arguidu Dudu Lezadu Mate Kedas Iha Fatin

DILI, STLNEWS.co – Tribunal Distrital Dili (TDD) halao julgamentu ba arguidu Agustinho Magno, tanba deskonfia dudu monu vitima Ricardo Aparisio Soares.

Tuir faktus neebe Juiz prosesu lee sai iha loron Kuarta nee (04/05/2022) katak, iha loron 8 fulan Agostu tinan 2020 arguidu ho kondisaun lanu baku nia subrina too iha vitima nia uma, iha neeba arguidu bolu nia subrina koalia ho lian mal, vitima sai mai hamaus arguidu, maibe arguidu fila tolok fali vitima nia feen no arguidu lao besik ba vitima, dudu vitima monu ba rai, baku hirus matan ba fatuk mate kedan iha fatin.

Tanba nee, tuir testamunha ho inisial MG deklara, momentu neeba arguidu ho kondisaun lanu.

Konsekuensia husi arguidu nia hahalok nee halo vitima lakon nia vida.

Tanba nee, Ministeriu Publiku akuza arguidu hanesan autor material ho forma konsumada pratika krimi omisidiu ho dolo nesesaria neebe previstu iha artigu 138 no artigu 15 husi Kodigu Penal.

Hatan ba faktus nee, arguidu deklara faktus neebe konsta iha akuzasaun balu loos no balu la loos.

Arguidu deklara katak, momentu neeba arguidu ho vitima dudu malu deit.

Arguidu deklara tan, depois dudu tiha lezadu, polisia kaer arguidu lori tiha ba sela, tanba nee konaba lezadu nia mate arguidu la hatene.

No arguidu hatene lezadu nia mate husi familia sira. Sasin lezadu nia kaben katak, momentu neeba arguidu ho lezadu dudu malu, depois mak lezadu monu tuun ba rai, baku hirus matan ba fatuk nunee mate kedas.

Rona tiha deklarasaun sira nee, tribunal adia ba loron seluk hodi rona sasin sira.

Audensia julgamentu nee prezide husi Juiz Koletivu, Ana Paula, Maria Solana, Antonio do Carmo, Ministeriu Publiku reprezenta husi Prokurador Ozorio de Deus, arguidu hetan asistensia legal husi Advogadu Privadu.

(ter)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...